ସେନା ସହିତ ନ ଲଢି ସାଧାରଣ ଜନତାଙ୍କୁ ଟାର୍ଗେଟ୍ କରୁଛି ଗଦ୍ଦାର…
ଭାରତର ଜବାବୀ ଆକ୍ରମଣରେ ପାକିସ୍ତାନ ଥରହର । ପ୍ରତିଜବାବରେ ପାକିସ୍ତାନ ବୁଧବାର ବିଳମ୍ବିତ ରାତିରେ କ୍ରମାଗତ ଆକ୍ରମଣକୁ ଭାରତ ସଫଳତାର ସହିତ ପ୍ରତିହତ କରିଛି । ଏବଂ ଏହାର ସମାନୁପାତିକ ଜବାବରେ, ଭାରତର ସଶସ୍ତ୍ର ବାହିନୀ ପାକିସ୍ତାନର ବିଭିନ୍ନ ସ୍ଥାନରେ ବାୟୁ ପ୍ରତିରକ୍ଷା ରାଡାର ଏବଂ ସିଷ୍ଟମ ଉପରେ ଲକ୍ଷ୍ୟଭେଦୀ ଆକ୍ରମଣ ଆରମ୍ଭ କରିଛି ।
ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, “ସମାନ କ୍ଷେତ୍ରରେ ଏବଂ ସମାନ ତୀବ୍ରତା ସହିତ” ଭାରତ ପାକିସ୍ତାନକୁ ଜବାବ ଦେଉଛି । ତଥ୍ୟ ଅନୁସାରେ, ଲାହୋରସ୍ଥ ଏୟାର ଡିଫେନ୍ସ ସିଷ୍ଟମ ନଷ୍ଟ ହେବା ପରେ ପାକିସ୍ତା ପାଗଳପ୍ରାୟ ହୋଇ ସେନା ସହିତ ନ ଲଢି ପାକିସ୍ତାନ ନିୟନ୍ତ୍ରଣ ରେଖା ଅଞ୍ଚଳରେ ଭାରତୀୟ ଜନସାଧାରଣଙ୍କୁ ଟାର୍ଗେଟ କରିଛି ।
