ବାଉଁଶପୋଖରୀ ପୂର୍ବତନ କେନ୍ଦ୍ର ସମବାୟ ସମିତି ସମ୍ପାଦକଙ୍କ ବିୟୋଗ…

ଢେଙ୍କାନାଳ, (ଏଫ୍ଟୁଏସ୍/ ସୁଜିତ୍ କୁମାର ବେହେରା) : ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ବାଉଁଶପୋଖରୀ ପୂର୍ବତନ କେନ୍ଦ୍ର ସମବାୟ ସମିତି ସମ୍ପାଦକଙ୍କ ଅକାଳ ବିୟୋଗରେ ସାରା ହିନ୍ଦୋଳ ସ୍ତବ୍ଧ । ଖବରରୁ ପ୍ରକାଶ ଯେ ହିନ୍ଦୋଳ ବ୍ଲକ ଅନ୍ତର୍ଗତ ବାଉଁଶପୋଖରୀ ପୂର୍ବତନ କେନ୍ଦ୍ର ସମବାୟ ସମିତି ସମ୍ପାଦକ କ୍ଷୀରୋଦ ଚନ୍ଦ୍ର ବେହେରା (୭୦)ଙ୍କର ଅସୁସ୍ଥତା ହେତୁ ନିଜ ବାସଭବନ ନୂଆକୋଟ ଡିହସାହିରେ ପରଲୋକ ହୋଇଯାଇଛି । କ୍ଷିରୋଦ କିଛି ଦିନ ଧରି ସ୍ନାୟୁଗତ ରୋଗରେ ଆକ୍ରାନ୍ତ ହେବାସହ ଗତ କିଛି ବର୍ଷ ହେବ ଶଯ୍ୟାଶାୟୀ ରହିବା ସହ ଚିକିତ୍ସାଧୀନ ଥିଲେ । ପୂର୍ବତନ ବ୍ଲକ ଉପାଧ୍ୟକ୍ଷା ଶୈଳବାଳା ବେହେରାଙ୍କ ସ୍ୱାମୀ ସ୍ୱର୍ଗୀୟ କ୍ଷୀରୋଦ ଚନ୍ଦ୍ର ବେହେରା ବାଉଁଶପୋଖରୀ କେନ୍ଦ୍ର ସମବାୟ ସମିତି ସମ୍ପାଦକ ଭାବରେ ଦୀର୍ଘ ୧୭ ବର୍ଷ ଧରି ଦାୟିତ୍ୱରେ ଥିଲେ । କ୍ଷୀରୋଦଙ୍କ ପରଲୋକ ଖବରପାଇ ବାଉଁଶପୋଖରୀ ପଞ୍ଚାୟତ ସରପଞ୍ଚ ରଣଜିତ ପ୍ରଧାନ (ରୁନା) ତାଙ୍କ ବାସଭବନରେ ପହଂଚି ତାଙ୍କର ଅନ୍ତିମ ଦର୍ଶନକରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ସାମ୍ବାଦିକ ସୁଜିତ୍ କୁମାର ବେହେରା, ତ୍ରିନାଥ ବେହେରା, ୱାର୍ଡ ସଭ୍ୟ ସବିତା ବେହେରା, ବୁଦ୍ଧିଜୀବୀ ପ୍ରଶ୍ନ ପ୍ରଧାନ ଉପସ୍ଥିତ ରହି ସ୍ୱର୍ଗତ କ୍ଷୀରୋଦ ଚନ୍ଦ୍ର ବେହେରାଙ୍କ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏଥିସହ କ୍ଷୀରୋଦଙ୍କ ସମଗ୍ର ପଞ୍ଚାୟତବାସୀ, ଆଖପାଖ ଅଞ୍ଚଳର ବହୁ ବ୍ୟକ୍ତି ଓ ବିଶିଷ୍ଟ ବ୍ୟକ୍ତି ଶେଷଦର୍ଶନ କରି ଶୋକ ପ୍ରକାଶ କରିଛନ୍ତି । ସ୍ୱର୍ଗତ କ୍ଷୀରୋଦ ଜଣେ ପରୋପକାରୀ, ମେଳାପୀ, ମିଷ୍ଟଭାସୀ, ଜନପ୍ରିୟ ରହିବାସହ ତାଙ୍କ ଯୋଗଦାନ ସବୁଦିନପାଇଁ ତାଙ୍କୁ ଚିରସ୍ମରଣୀୟ କରିରଖିବ । ପୂର୍ବତନ କେନ୍ଦ୍ର ସମବାୟ ସମିତି ସମ୍ପାଦକ କ୍ଷୀରୋଦ ଚନ୍ଦ୍ର ବେହେରାଙ୍କ ଅକାଳ ବିୟୋଗରେ ସାରା ଅଞ୍ଚଳ ଶୋକସାଗରରେ ଡୁବି ରହିବା ସହ ଅଞ୍ଚଳ ସ୍ତବ୍ଦ ହୋଇପଡିଛି ।