ଚଳନ୍ତା ଟ୍ରେନ୍ ଉପରକୁ ଗୁଳି ମାଡ଼…
ଚଳନ୍ତା ଟ୍ରେନ୍ ଉପରକୁ ଗୁଳି ମାଡ଼ । ଭଦ୍ରକରେ ନନ୍ଦନକାନନ ଏକ୍ସପ୍ରେସକୁ ଗୁଳିମାଡ଼ ହୋଇଛି । ଟ୍ରେନ ମ୍ୟାନେଜରଙ୍କୁ ଦୁଇ ରାଉଣ୍ତ ଗୁଳିମାଡ଼ ଉଦ୍ୟମ କରାଯାଇଥିଲା । ଗୁଳିକାଣ୍ଡରେ ୱିଣ୍ଡୋ କାଚ ଭାଙ୍ଗି ଯାଇଥିବା ବେଳେ ଏଥିରେ କେହି ମୃତାହତ ହୋଇ ନ ଥିବା ସୂଚନା ମିଳିଛି । ଏପରି ଏକ ଅଭାବନୀୟ ଘଟଣା ଘଟିଛି ଭଦ୍ରକ ଷ୍ଟେସନର ୧୧୯ ନଂ ଗେଟ ନିକଟରେ । ଘଟଣା ସ୍ଥଳରେ ଭଦ୍ରକ ଜିଆରପିର ତଦନ୍ତ ଚାଲିଛି । ସମ୍ପୃକ୍ତ ଟ୍ରେନ କିମ୍ବା ଗାର୍ଡଙ୍କର କୌଣସି କ୍ଷତି ହୋଇ ନ ଥିବା ଷ୍ଟେସନ ମ୍ୟାନେଜର କହିଛନ୍ତି ।
