ହର୍ ଘର୍ ତ୍ରିରଙ୍ଗା ଶୋଭାଯାତ୍ରାରେ ସିଆରପିଏଫ୍ ଯବାନ…

ନୂଆପଡ଼ା, (ଏଫ୍ଟୁଏସ୍/ କୀର୍ତ୍ତି ଚନ୍ଦ୍ର ନାଗ) : ସମଗ୍ର ଭାରତ ବର୍ଷରେ ଅତ୍ୟନ୍ତ ଆନନ୍ଦ ଉଲ୍ଲାସର ସହ ହର୍ ଘର୍ ତ୍ରିରଙ୍ଗା ଉତ୍ସବ ପାଳିତ ହେଉଛି । ଏହି ପରିପ୍ରେକ୍ଷୀରେ ନୂଆପଡ଼ା ଜିଲ୍ଲା ସିଲଦାସ୍ଥିତ CRPF 216 ବାଟାଲିୟନ ଆସିଷ୍ଟାଣ୍ଟ କମାଣ୍ଡାଣ୍ଟ ଇଶ୍ଵର ସିଂଙ୍କ ନେତୃତ୍ୱରେ ଶତାଧିକ ସିଆରପିଏଫ୍ ଯବାନମାନେ ତଥା ସ୍ଥାନୀୟ ଲୋକମାନେ ଏକତ୍ରିତ ହୋଇ ଏକ ବିଶାଳ ବାଇକ୍ ରାଲି ଶୋଭାଯାତ୍ରା କରିଥିଲେ । ସିଆରପିଏଫ୍ କ୍ୟାମ୍ପ ପରିସରରୁ ସିଲଦା ଗ୍ରାମ ପର୍ଯ୍ୟନ୍ତ ଏହି ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଭାରତ ମାତା ଏବଂ ଆମର ପ୍ରିୟ ଜାତୀୟ ପତାକା ତ୍ରିରଙ୍ଗାର ଜୟ ଧ୍ଵନି ଦେଇ ପୁଣି ନିଜ କ୍ୟାମ୍ଫକୁ ପ୍ରତ୍ୟାବର୍ତ୍ତନ କରିଥିଲେ ସିଆରପିଏଫ୍ ଯବାନ ।