“ଜ୍ୟୋତି କଳା ମନ୍ଦିର” ଓଡିଶୀ ସମ୍ମାନ ଉତ୍ସବ ପାଳିତ…

ଭୁବନେଶ୍ୱର : ଚାରିଟେବଲ୍ ଓଡ଼ିଶୀ ନୃତ୍ୟ ଅନୁଷ୍ଠାନ “ଜ୍ୟୋତି କଳା ମନ୍ଦିର” ମୁଖ୍ୟାଳୟ କାଲିଫର୍ଣ୍ଣିଆ, ଆମେରିକାର ଓଡ଼ିଶା ଶାଖା ଲିଙ୍ଗିପୁର, ଭୁବନେଶ୍ୱରର ବାର୍ଷିକ ଉତ୍ସବ (ଓଡ଼ିଶୀ ସମ୍ମାନ) ଅନୁଷ୍ଠିତ ହୋଇଯାଇଛି । ଏହାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ଦିଲ୍ଲୀପ ରାଉତରାୟ (ଆଇଏଏସ୍), ଶ୍ରୀମତୀ ସୁଲତା ଦେଓ (ରାଜ୍ୟସଭା ସାଂସଦ), ଶ୍ରୀଯୁକ୍ତ ସଂଗ୍ରାମ କେଶରୀ ପାଇକରାୟ (କାପୋକ୍) ପ୍ରମୁଖ ଯୋଗ ଦେଇଥିଲେ ।

ଏହି ଅବସରରେ ଗୁରୁ ଶ୍ରୀମତୀ ଚପଳା ମିଶ୍ର, ଗୁରୁ ସୁଶ୍ରୀ ବୀଣାପାଣି ନାୟକ, ଗୁରୁ ପ୍ରଫୁଲ୍ଲ କୁମାର ମଙ୍ଗରାଜଙ୍କୁ ଜ୍ୟୋତି କଳା ମନ୍ଦିର ଓଡ଼ିଶୀ ସମ୍ମାନ ଓ ଡା. ଶ୍ରୀନିବାସ ଘଟୁଆରୀଙ୍କୁ ଶ୍ରେଷ୍ଠ ସଂଯୋଜକ ସମ୍ମାନରେ ସମ୍ମାନିତ କରାଯାଇଥିଲା । ସନ୍ଧ୍ୟାର ପ୍ରଥମ ଅର୍ଘ୍ୟରେ ଫାଉଣ୍ଡର/ଡାଇରେକ୍ଟର ଗୁରୁ ଶ୍ରୀମତୀ ଜ୍ୟୋତି ରାଉତଙ୍କ ନିର୍ଦ୍ଦେଶନାରେ କୁନି କୁନି ପିଲାମାନଙ୍କ ଦ୍ୱାରା “ମଙ୍ଗଳାଚରଣ” ପରିବେଷିତ ହୋଇଥିଲା । କନିଷ୍ଠ ବର୍ଗର ଶିକ୍ପୀମାନଙ୍କ ଦ୍ୱାରା “ନ ଯା ଯମୁନା” ପରିବେଷଣ ହୋଇଥିଲା । ଏହା ବେଶ ଚିତାକର୍ଷକ ଥିଲା । ପରେ ଗୁରୁ ଶ୍ରୀମତୀ ଜ୍ୟୋତି ରାଉତଙ୍କ ଅନବଦ୍ୟ ସୃଷ୍ଟି  “ଦ୍ରୌପଦୀ” ବରିଷ୍ଠ ବର୍ଗର ଶିଳ୍ପୀମାନଙ୍କ ଦ୍ୱାରା ପରିବେଷଣ ହୋଇଥିଲା, ଯାହାର ବିଷୟ ଥିଲା “ନାରୀ ସଶକ୍ତିକରଣ” । ଏହାପରେ ମର୍ଦଳ ଗୁରୁ ଶ୍ରୀ ସଚ୍ଚିଦାନଦ ଦାସ ଏବଂ ତାଙ୍କ ସାଥିମାନଙ୍କ ଦ୍ଵାରା ଚମତ୍କାର ପରିବେଷଣ ହୋଇଥିଲା ।