ରାସ୍ତା ଓ ପାନୀୟ ଜଳ ସମସ୍ୟା ନେଇ ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ…

ଗଜପତି, ୨୮/୦୫ : ଗଜପତି ଜିଲ୍ଲାର ରାୟଗଡ ବ୍ଳକର ଲାଇଲାଇ ପଞ୍ଚାୟତର ବିଷମପାଡି ଗ୍ରାମବାସୀ ଓ ଏସ କରଡାସିଂ ଗ୍ରାମ ପଞ୍ଚାୟତର ଏ କରଣ ସାହି ଗ୍ରାମ ବାସିନ୍ଦା ରାସ୍ତା ଏବଂ ପାଣି ସମସ୍ୟାକୁ ନେଇ ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନଙ୍କୁ ଭେଟି ଅଭିଯୋଗ ଜଣାଇଛନ୍ତି । ପ୍ରକାଶ ଥାଉ କି ଏସ କରଡାସିଂ ପଞ୍ଚାୟତ ଅନ୍ତର୍ଗତ ଏ କରଣ ସାହି ଗ୍ରାମକୁ ପକ୍କା ରାସ୍ତା ନ ଥିବା ଯୋଗୁଁ ଯାତାୟତରେ ସମସ୍ୟା ସୃଷ୍ଟି ହେଉଛି । ଛାତ୍ର ଛାତ୍ରୀମାନେ ସ୍କୁଲ କଲେଜ ଯିବାଆସିବା, ରୋଗୀ ଓ ଗର୍ଭବତୀ ମାଆ ମାନେ ସୁବିଧାରେ ମେଡ଼ିକାଲକୁ ଯାଇପାରୁ ନାହାନ୍ତି । ଏହି ଗ୍ରାମକୁ ମାଟି ରାସ୍ତା ହୋଇ ଥିବା ବେଳେ ଅବାପୁର ଠାରୁ ବସାଆମ୍ବା ପର୍ଯ୍ୟନ୍ତ ଏକ ସଡକ ପଥ ନିର୍ମାଣ କରାଯିବା ପାଇଁ ଦାବୀ କରିଛନ୍ତି । ରାସ୍ତା ନିର୍ମାଣ ହେଲେ ଏହି ଅଞ୍ଚଳର ୧୫୦୦ରୁ ଉର୍ଦ୍ଧ୍ୱ ଜନସାଧାରଣ ଉପକୃତ ହୋଇ ପାରିବେ ବୋଲି କୁହାଯାଇଛି । ସେହିପରି ପାନୀୟଜଳ ଓ ରାସ୍ତା ସମସ୍ୟା ନେଇ ଲାଇଲାଇ ପଞ୍ଚାୟତର ବିଷମପାଡି ଗ୍ରାମବାସୀ ଜିଲ୍ଲାପାଳଙ୍କ ନିକଟରେ ପକ୍କାରାସ୍ତା ଓ ପାନୀୟ ଜଳ ନେଇ ଗ୍ରାମବାସୀ ମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇ ସ୍ମାରକପତ୍ର ପ୍ରଦାନ କରିଛନ୍ତି ।