ଓଡ଼ିଆ ଚଳଚ୍ଚିତ୍ର “ଅପରେସନ୍ ୧୨/୧୭’ କୁ ପୂରିଲା ପଚାଶ ଦିନ

ଭୁବନେଶ୍ୱର : ସାଇ ଲୁମ୍ବିନୀ ପ୍ରଡ଼କସନ୍ସରେ ନିର୍ମାଣ ହୋଇଥିବା ସିନେମା “ଅପରେସନ୍ ୧୨/୧୭ ସାଇ ଶରଣଂ’କୁ ପ୍ରେକ୍ଷାଳୟରେ ୫୦ ଦିନ ପୂର୍ତ୍ତି ହୋଇଛି । ଭଲ ସିନେମା ପ୍ରତି ଦର୍ଶକଙ୍କ ମନରେ ଢେର ଆଗ୍ରହ ରହିଥିବାରୁ ସିନେ ଦର୍ଶକଙ୍କ ସୁଅ ଛୁଟିଛି । କଟକ ସ୍ଥିତ ବୃନ୍ଦାବନ ସିନେମା ହଲରେ ସିନେମାର ପୁରା ଟିମ୍ ଦର୍ଶକଙ୍କ ସହିତ ମିଶି ପଚାଶ ଦିନ ପୂର୍ତ୍ତି ଅବସରରେ କେକ୍ କାଟି ଖୁସି ମନେଇଛନ୍ତି । ଏହି ସ୍ୱତନ୍ତ୍ର ଖୁସି ଉପଲକ୍ଷେ ପୁରା ଟିମ୍ ସହିତ ଓଲିଉଡ଼ର ଅନେକ ନାମୀ ପ୍ରଯୋଜକ, ନିଦେ୍ର୍ଦଶକ, କଳାକାର ଯୋଗ ଦେଇଥିଲେ । “ଅପରେସନ ୧୨/୧୭’ ଏକ ବିଗ୍ ବଜେଟର ସିନେମା ହୋଇଥିବା ବେଳେ ଏହାର ନିଦେ୍ର୍ଦଶନା ଦେଇଛନ୍ତି ଷ୍ଟାଇଲିଷ୍ଟ ନିଦେ୍ର୍ଦଶକ ସୁଧାଂଶୁ ମୋହନ ସାହୁ । କାହାଣୀ ଲେଖିଛନ୍ତି ଦ୍ୱୀପାୟନ ପଟ୍ଟନାୟକ, ସଂଳାପ ଲେଖିଛନ୍ତି ଦିଲ୍ଲୀପ ଚୌଧୁରୀ । ଗୀତ ଗୁଡିକ ଅରୁଣ ମନ୍ତ୍ରୀ ଏବଂ ଡକ୍ଟର ନିର୍ମଳ ନାୟକ ଲେଖିଥିବା ବେଳେ ସଙ୍ଗୀତ ନିଦେ୍ର୍ଦଶନା ଦେଇଛନ୍ତି ବର୍ତ୍ତମାନର ଟ୍ରେଣ୍ଡୀ ସଙ୍ଗୀତ ନିଦେ୍ର୍ଦଶକ ବୈଦ୍ୟନାଥ ଦାଶ । କଣ୍ଠଦାନ କରିଛନ୍ତି ହ୍ୟୁମାନ ସାଗର, ଋତୁରାଜ ମହାନ୍ତି, ସତ୍ୟଜିତ୍ ପ୍ରଧାନ, ଅସୀମା ପଣ୍ଡା ଏବଂ ଅନନ୍ୟା ଶ୍ରୀତମ ନନ୍ଦ । ଅନେକ ସୁପରହିଟ୍ ଚଳଚ୍ଚିତ୍ରର ନିଦେ୍ର୍ଦଶକ ସୁଧାଂଶୁ ମୋହନ ସାହୁଙ୍କ ନିଦେ୍ର୍ଦଶନାରେ ଏହି ଚଳଚ୍ଚିତ୍ର ଓଲିଉଡ଼ ପାଇଁ ଏକ ଭିନ୍ନ ମୋଡ଼ ସୃଷ୍ଟି କରିଛି । ଶିଶୁ କଳାକାରରୁ ନିଜର କ୍ୟାରିଅର ଆରମ୍ଭ କରିଥିବା ଭୂମିକା ଗୋଟିଏ ଶିଶୁର ମାଆ ଭୂମିକାରେ ଅଭିନୟ କରିଛନ୍ତି ।