ବୃକ୍ଷ ଆମର ପ୍ରଥମ ସନ୍ତାନ, ପ୍ରଥମାଷ୍ଟମୀରେ ବୃକ୍ଷଙ୍କୁ ବନ୍ଦାପନା…

ଭୁବନେଶ୍ୱର, ୦୬/୧୨ (ଅଭିଜିତ୍ ସିଂ) : ନିଆରା ଢଙ୍ଗରେ ପ୍ରଥମାଷ୍ଟମୀ ପାଳିଲେ ତୁଷାର ଚାରିଟେବୁଲ ଟ୍ରଷ୍ଟ । ପ୍ରଥମାଷ୍ଟମୀ ଉପଲକ୍ଷେ ଟ୍ରଷ୍ଟ ପକ୍ଷରୁ ୟୁନିଟ୍ ୯ ସ୍ଥିତ ବିଏସ୍‌ଏନ୍‌ଏଲ ନିକଟ ପାର୍କରେ ବସ୍ତି ଅଂଚଳର କିଛି କୁନି କୁନି ପିଲାଙ୍କୁ ପିଠା ମିଠା ବଂଟନ କରିବା ସହିତ ବନ୍ଦାପନା କରାଯାଇଥିଲା । ଏହି ଅବସରରେ ତୁଷାର ଚାରିଟେବୁଲ ଟ୍ରଷ୍ଟ ପକ୍ଷରୁ ବୃକ୍ଷ ରୋପଣ କରାଯାଇଥିଲା ।
ଆମେ ଯେମିତି ଘରର ବଡ ବୋଲି ପ୍ରଥମାଷ୍ଟମୀରେ ଆମକୁ ବନ୍ଦାପନା କରାଯାଏ ଠିକ୍ ସେମିତି ବୃକ୍ଷ ଆମର ପ୍ରଥମ ସନ୍ତାନ ବୋଲି କହିଥିଲେ ତୁଷାର ଚାରିଟେବୁଲ ଟ୍ରଷ୍ଟର ସମ୍ପାଦକ । ତେଣୁ ସମସ୍ତେ ମିଳିମିଶି ଅଗମୀପିଢୀ ପାଇଁ ଗଛଟିଏ ଲଗାନ୍ତୁ ବୋଲି ଆହ୍ୱାନ ଦେଇଥିଲେ ସମ୍ପାଦକ । କାର୍ଯ୍ୟକ୍ରମରେ ଅତିଥି ଭାବେ ସମାଜସେବୀ ଜଗନ୍ନାଥ ପ୍ରଧାନ, ଗଛ ପ୍ରେମୀ ପ୍ରଶାନ୍ତ ପାଣି, ସୁନାକର ସିଂହ, ଶିବିର କୁମାର ପରିଡ଼ା, ଜୟପ୍ରକାଶ ସଂଗ୍ରାମ ଜେନା, ସୁଶୀଲ ସାହୁ, ରବି, ବୁଧ, ବୁନୁ, ଜୟନ୍ତି କର, କୁନା, ଜୋଷ୍ଣା ପରିଡ଼ା, ବସନ୍ତ ପରମା ନାମିତ ଜୟା ନାମିତ ବାଟ ମଙ୍ଗଳା ଏସ୍‌ଏଚଜି ମହିଳା ମାନେ ଯୋଗ ଦେଇଥିଲେ ।