ହିନ୍ଦୋଳରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ

ଢେଙ୍କାନାଳ, ୨୬/୧୧ (ସୁଜିତ୍ କୁମାର ବେହେରା) : ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକରେ ରାଜ୍ୟ ସରକାରଙ୍କ ମେଗା ଭୀମଭୋଇ ଭିନ୍ନକ୍ଷମ ଶିବିର ଅନୁଷ୍ଠିତ ହୋଇଯାଇଛି । ହିନ୍ଦୋଳ ବିଡ଼ିଓ ବିନିତା ବିଜୟିନୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି ଶିବିରରେ ୫୨୨ଜଣ ପଞ୍ଜୀକରଣ କରିଥିବା ବେଳେ ସେଥିମଧ୍ୟରୁ ଦୃଷ୍ଟିହୀନ ୭୦ଜଣ, ମେଡ଼ିସିନରେ ୩୦, ଶାରୀରିକ ୨୭୨, ବଧିର ୭୪, ମାନସିକ ୭୬ ଜଣ ଥିବା ଜଣାପଡିଛି । ଏହି ଉପଲକ୍ଷେ ଶିବିର ଆରମ୍ଭ ହେବା ମାତ୍ରେ ଭିଡ଼ ପରିଲିକ୍ଷିତ ହୋଇଥିଲା । ବିଡ଼ିଓଙ୍କ ସୁଚିନ୍ତିତ ପରିଚାଳନା ପାଇଁ ନାମ ପଞ୍ଜୀକରଣ, ଖାଇବା, ଭିଡ଼ ନିୟନ୍ତ୍ରଣ, ମେଡିକାଲ ଚେକଅପ ଇତ୍ୟାଦି ସୁରୁଖୁରୁରେ ସମ୍ପନ୍ନ ହୋଇଥିଲା । ଏହି କାର୍ଯ୍ୟକ୍ରମରେ ହିନ୍ଦୋଳ ବ୍ଲକର ସମସ୍ତ ଅଧିକାରୀ, କର୍ମଚାରୀ, ହିନ୍ଦୋଳ ଥାନା ପୋଲିସ, ସମସ୍ତ ନିର୍ବାଚିତ ପ୍ରତିନିଧିମାନେ ସହଯୋଗ କରିଥିଲେ ।