ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ହେଉଛି “ଏଣ୍ଟିଗ୍ରେଟେଡ ୟୁଥ୍ ଡେଭଲପମେଣ୍ଟ ପ୍ରୋଗ୍ରାମ”

ଭୁବନେଶ୍ବର, ୧୮/୧୧ (ଅଭିଜିତ୍ ସିଂ) : ଯୁବପିଢୀଙ୍କର ଶାରୀରିକ ଓ ମାନସିକ ସୁସ୍ଥତା ସମାଜ ପାଇଁ ନିତାନ୍ତ ଆବଶ୍ୟକ । ଖେଳ, ସାଂସ୍କୃତିକ ଓ ସାମାଜିକ କାର୍ଯ୍ୟକଳାପରେ ଯୁବବର୍ଗଙ୍କୁ ଉତ୍ସାହିତ କରିବା ଉଦ୍ଦେଶ୍ୟରେ ଓଡ଼ିଶା ସରକାରଙ୍କର ଦ୍ଵାରା ପ୍ରଯୋଜିତ କାର୍ଯ୍ୟକ୍ରମ “ଏଣ୍ଟିଗ୍ରେଟେଡ ୟୁଥ୍ ଡେଭଲପମେଣ୍ଟ ପ୍ରୋଗ୍ରାମ” ( IYDP) ସ୍ଥାନୀୟ ବି. ଜେ. ବି. ସ୍ଵୟଂଶାସିତ ମହାବିଦ୍ୟାଳୟରେ ମହା ଆଡ଼ମ୍ବରରେ ଉଦ୍ଘାଟିତ ହୋଇଯାଇଛି । ଆଗମୀ ଦେଢ଼ ମାସବ୍ୟାପ୍ତ ଏହି କାର୍ଯ୍ୟକ୍ରମକୁ ଓଡ଼ିଶା ସରକାରଙ୍କର ଆଞ୍ଚଳିକ ଶିକ୍ଷା ନିର୍ଦ୍ଦେଶକ ପ୍ରଫେସର ସୁମନ ଦାସ ଉଦ୍ଘାଟନ କରିଥିଲେ । ଆମ ରାଜ୍ୟ ବିକାଶରେ ଯୁବପିଢୀଙ୍କର ଗୁରୁତ୍ୱପୂର୍ଣ୍ଣ ଅବଦାନ ସମ୍ବନ୍ଧରେ ସେ ଆଲୋକପାତ କରିଥିଲେ ।

ଆୟୋଜିତ କାର୍ଯ୍ୟକ୍ରମରେ ମହାବିଦ୍ୟାଳୟର ଅଧକ୍ଷ ଜି. ଏମ୍. ଖାନ, ମୁଖ୍ୟ ନୋଡାଲ ଅଫିସର ପ୍ରଫେସର୍ ଇତିଶ୍ରୀ ପାଢ଼ୀ, କାର୍ଯ୍ୟନି୍ବାହୀ ସଦସ୍ୟ ପ୍ରଫେସର ଝୁମକି ରଥ, ପ୍ରଫେସର ରେଣୁକା ସାହୁ, ଡଃ ମଧୁଛନ୍ଦା ଶତପଥୀ, ଡଃ ସବିତା ହରିଚନ୍ଦନ, ସମସ୍ତ କମିଟିର ନୋଡାଲ ଅଫିସର ଏବଂ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଏବଂ ଛାତ୍ରଛାତ୍ରୀ ପ୍ରମୁଖ ଯୋଗ ଦେଇଥିଲେ । ଆଗାମୀ ଦିନ ଗୁଡିକରେ ଖେଳ, ସାଂସ୍କୃତିକ ଓ ସାମାଜିକ କାର୍ଯ୍ୟକ୍ରମ ସହ ଜଡ଼ିତ ବିଭିନ୍ନ ପ୍ରତିଯୋଗିତା ଏବଂ ଅନ୍ୟାନ୍ୟ କାର୍ଯ୍ୟକ୍ରମ ମହାବିଦ୍ୟାଳୟ ପ୍ରାଙ୍ଗଣରେ ଆୟୋଜିତ ହେବ ବୋଲି ସୂଚନା ମିଳିଛି ।