ବେଗୁନିଆପଡା ବ୍ଲକରେ ନିଖିଳ ଓଡିଶା ଅଙ୍ଗନବାଡି କର୍ମୀ ଓ ସହାୟିକା ମହାସଂଘର ମୁଖ୍ୟ ସଂଯୋଜିକାଙ୍କୁ ସମ୍ବର୍ଦ୍ଧନା…

ବେଗୁନିଆପଡା : ବିଜୁ ଶ୍ରମିକ ସାମୁଖ୍ୟରେ ସହବନ୍ଧିତ ନିଖିଳ ଓଡିଶା ଅଙ୍ଗନବାଡି କର୍ମୀ ଓ ସହାୟିକା ମହାସଂଘର ମୁଖ୍ୟ ସଂଯୋଜିକା ଭାବେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଞ୍ଚ ଜଣଙ୍କୁ ନିଯୁକ୍ତି ଦେଇଥିବା ବେଳେ ସେଥିମଧ୍ୟରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ରହିଛନ୍ତି । ଏ ନେଇ ବେଗୁନିଆପଡା ବ୍ଲକ ସଙ୍ଘ ତରଫରୁ ବ୍ଲକ ପରିସରରେ ଏକ ସ୍ୱାଗତ ସମ୍ବର୍ଦ୍ଧନା ସଭା ଆୟୋଜିତ କରାଯାଇଥିଲା । ଏଥିରେ ବିଧାୟିକାଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ବେଗୁନିଆପଡା ସଙ୍ଘ ତରଫରୁ ସମ୍ବର୍ଦ୍ଧିତ କରାଯାଇଥିବାରୁ ସମସ୍ତ ଅଙ୍ଗନବାଡି କର୍ମୀ ଓ ସହାୟିକାଙ୍କୁ ଧନ୍ୟବାଦ ଦେଇଥିଲେ ବିଧାୟିକା । ଏଥିସହ ଆଗାମୀ ଦିନରେ ସେମାନଙ୍କର ବିଭିନ୍ନ ସମସ୍ୟାକୁ ଆପୋଷ ସମାଧାନ କରାଯିବା ସହ ଆବଶ୍ୟକ ସ୍ଥଳରେ ରାଜ୍ୟ ଓ କେନ୍ଦ୍ର ସରକାରଙ୍କଠାରୁ ନ୍ୟାର୍ଯ୍ୟ ଦାବି ଉପସ୍ଥାପନ କରି ହାସଲ କରିବା ପାଇଁ ସଂଗ୍ରାମ ମଧ୍ୟ କରାଯିବ ବୋଲି କହିଥିଲେ ବିଧାୟିକା । କାର୍ଯ୍ୟକ୍ରମରେ ସଂଘର ସଭାପତି ତ୍ରିବେଣୀ ନାୟକ, ସମ୍ପାଦକ ମିନତୀ ମହାନ୍ତି, ଉପସଭାପତି ରୀତା ରାଣୀ ମିଶ୍ର, ସହ ସମ୍ପାଦକ ନନ୍ଦିନୀ ଜେନା ଓ କୋଷାଧକ୍ଷ କୁନା କୁମାରୀ ଦାସଙ୍କ ନେତୃତ୍ୱରେ ସମସ୍ତ ଅଙ୍ଗନବାଡି କର୍ମୀ ଓ ସହାୟିକା ଉପସ୍ଥିତ ଥିଲେ ।

ରିପୋର୍ଟ : ବେଗୁନିଆପଡାରୁ ବାପୁନି କୁମାର ମାଲୁ