ଶିକ୍ଷକ-ସରକାରଙ୍କ ଲଢେଇରେ ପେଶି ହେଉଛି ଛାତ୍ରଛାତ୍ରୀଙ୍କ ଭବିଷ୍ୟତ…

କୋଟପାଡ଼ : ସର୍ବବର୍ଗ ପ୍ରାଥମିକ ଶିକ୍ଷକ ସଙ୍ଘ ଓଡିଶାର ଆହ୍ବାନ କ୍ରମେ ରାଜ୍ୟର ସମସ୍ତ ସରକାରୀ ସ୍କୁଲରେ ତାଲା ପଡିଛି । ରାଜ୍ୟ ସରକାର ଗୁରୁଦିବସ ଦିନ ଶିକ୍ଷକମାନଙ୍କ ନାର୍ଯ୍ୟ ଦାବି ପୂରଣ ପାଇଁ ପ୍ରତିଶୃତି ଦେଇଥିଲେ କିନ୍ତୁ ତାହା ପୂରଣ ହୋଇପାରିନି l ଏ ନେଇ ସେପ୍ଟେମ୍ବର ୮ ତାରିଖରୁ ରାଜ୍ୟବ୍ୟାପୀ ତାଲା ବନ୍ଦ ଆନ୍ଦାଳନ ଜାରି ରହିଥିବା ବେଳେ କୋଟପାଡ଼ ବ୍ଲକ ସର୍ବବର୍ଗ ଶିକ୍ଷକ ସଙ୍ଘ ପକ୍ଷରୁ ମଧ୍ୟ ତାଲାବନ୍ଦ ଆନ୍ଦଳନ ଦେଖିବାକୁ ମିଳିଛି । ଏ ନେଇ କୋଟପାଡ଼ର 17ଟି ପଞ୍ଚାୟତର ସମସ୍ତ ସରକାରୀ ପ୍ରାଥମିକ ସ୍କୁଲରେ ତାଲା ଝୁଲୁଥିବା ବେଳେ କୋଟପାଡ଼ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଶିକ୍ଷକମାନେ ଅନିର୍ଦ୍ଧିଷ୍ଟ କଳା ପର୍ଯ୍ୟନ୍ତ ଧାରଣାରେ ବସି ରହିଛନ୍ତି । ଏପରିକି ଶିକ୍ଷକମାନଙ୍କ ୩ ଦଫା ଦାବି ପୂରଣ ନ ହେବ ପର୍ଯ୍ୟନ୍ତ ରାଜ୍ୟର ସମସ୍ତ ପ୍ରାଥମିକ ଶିକ୍ଷକ ଏହିପରି କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିବେ ବୋଲି ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି । ସରକାର ଏବଂ ଶିକ୍ଷକଙ୍କ ମଧ୍ୟରେ ଚାଲିଥିବା ଏହି ଲଢେଇରେ ପେଶି ହେଉଛନ୍ତି ଛାତ୍ରଛାତ୍ରୀ । ବିଦ୍ୟାଳୟ ବନ୍ଧ ଥିବାରୁ ସେମାନଙ୍କ ପାଠପଢା ବ୍ୟାହତ ହେଉଛି । ତେବେ ଦେଖିବାକୁ ବାକି ରହିଲା ରାଜ୍ୟ ସରକାର ଶିକ୍ଷଙ୍କ ଆନ୍ଦଳନକୁ ନେଇ କଣ ସମାଧାନର ବାଟ ବାହାର କରୁଛନ୍ତି l

ରିପୋର୍ଟ : କୋଟପାଡ଼ରୁ ସୁନୀଲ ଦାଶ