ଆଧୁନିକ ବାଇକ୍ ଏବଂ ୟାମାହା ଆନୁଷଙ୍ଗିକ ପାର୍ଟସର ସମ୍ଭାର ନେଇ ଆସିଛି ମାନୋର ଏଣ୍ଟରପ୍ରାଇଜେସ୍ ପ୍ରାଇଭେଟ୍ ଲିମିଟେଡ
ଭୁବନେଶ୍ୱର : ପାହାଳରେ ଖୋଲିଲା ଇଷ୍ଟର୍ନ ଇଣ୍ଡିଆର ସର୍ବବୃହତ ୟାମାହାର ଦୁଇ ଚକିଆ ଗାଡି ଶୋ’ ରୁମ୍ । ୧୩, ୦୦୦ ବର୍ଗଫୁଟରେ ନିର୍ମିତ ଏହି ଶୋ’ରୁମରେ ସାଧାରଣ ବାଇକଠାରୁ ଆରମ୍ଭ କରି ପ୍ରିମିୟମ ବାଇକ ଉପଲବ୍ଧ ରହିଛି । ଏହାସହ ଆଧୁନିକ ବାଇକ୍ ଏବଂ ୟାମାହା ସ୍କୁଟର ସହିତ ସମସ୍ତ ପ୍ରକାରର ୟାମାହା ଆନୁଷଙ୍ଗିକ ପାର୍ଟସର ଏକ ନୂଆ ସମ୍ଭାର ନେଇ ଆସିଛନ୍ତି ମାନୋର ଏଣ୍ଟରପ୍ରାଇଜେସ୍ ପ୍ରାଇଭେଟ୍ ଲିମିଟେଡର ଦୁଇ ନିର୍ଦ୍ଦେଶକ ରିନା ବିଶ୍ବାଳ ଏବଂ ଶ୍ରୀତେଜ ବିଶ୍ବାଳ ।
ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ଓଡ଼ିଶାର ଲୋକପ୍ରିୟ ଅଭିନେତା ସିଦ୍ଧାନ୍ତ ମହାପାତ୍ରଙ୍କ ସହିତ ମାନୋର ଏଣ୍ଟରପ୍ରାଇଜେସ୍ ପ୍ରାଇଭେଟ୍ ଲିମିଟେଡର ଦୁଇ ନିର୍ଦ୍ଦେଶକ ଉପସ୍ଥିତ ଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ଜିଏମ୍ ଶ୍ରୀମନ୍ତ ସାମନ୍ତ, ଟର୍କ ମୋଟର୍ସ ଜିଏମ୍ ସୁଜିତ୍ ଧଳ, କର୍ପୋରେଟ୍ ପରଚେଜ୍ ହେଡ୍ ବିକାଶ ମିଶ୍ର ଏବଂ ଫାଇନାନ୍ସ ହେଡ୍ ରବୀନ୍ଦ୍ରନାଥ ମଲ୍ଲିକ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ । ଏହି ଅବସରରେ ‘ଟର୍କ ମୋଟର୍ସ’ର ଏମଡି କହିଛନ୍ତି ଯେ, ଆଗାମୀ ଦିନରେ ଗ୍ରାହକଙ୍କୁ ଆକୃଷ୍ଟ କରିବାକୁ ୟାମାହାର ବିଭିନ୍ନ ଗାଡି ଓ ଆସେସୋରିଜ ସହିତ ମରାମତି ଉପରେ ମଧ୍ୟ ଭଲ ରିହାତି ଗ୍ରାହକଙ୍କୁ ମିଳିବ ।
ରିପୋର୍ଟ : ଭୁବନେଶ୍ବରରୁ ଅଭିଜିତ୍ ସିଂ
