ଚଳଚ୍ଚିତ୍ର “ଅଭିସାର, ଏକ ପ୍ରେମ କାହାଣୀ”ରେ ନାୟିକା ହୋଇଛନ୍ତି କିନ୍ନର

ଭୁବନେଶ୍ବର : ଫ୍ୟୁଜନ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ଚଳଚ୍ଚିତ୍ର “ଅଭିସାର, ଏକ ପ୍ରେମ କାହାଣୀ”ର ପୋଷ୍ଟର ଲୋକର୍ପିତ ହୋଇଯାଇଛି । ଦର୍ଶକ ଏଥିରେ ଜଣେ କିନ୍ନରଙ୍କୁ ନାୟିକା ଭାବେ ଦେଖିବେ । ଯାହା ସର୍ବଭାରତୀୟସ୍ତରରେ ପ୍ରଥମ । ପୋଷ୍ଟର ଉନ୍ମୋଚନ କାର୍ଯ୍ୟକ୍ରମ ଅବସରରେ ମୁଖ୍ୟ ଅତିଥି ଭାବେ ମୀରା ପରିଡା ଏବଂ ସମ୍ମାନିତ ଅତିଥି ଭାବେ ସାଧନା ମିଶ୍ର, ଲୋରା ମହାପାତ୍ର ପ୍ରମୁଖ ଯୋଗ ଦେଇଥିଲେ l

ସଂଘମିତ୍ରା ଭଞ୍ଜ ଏହାର କାହାଣୀ ଲେଖିଥିବାବେଳେ ଚିତ୍ରନାଟ୍ୟ, ସଂଳାପ ତଥା ନିର୍ଦ୍ଦେଶନା ଦାୟିତ୍ୱରେ ରହିଛନ୍ତି ରଞ୍ଜିତ ମହାନ୍ତି l ଏଥିରେ ସଙ୍ଗୀତ ନିର୍ଦ୍ଦେଶକ ଦାୟିତ୍ବରେ ରହିଛନ୍ତି ବିଭୁତି ଭୂଷଣ ଗଡ଼ନାୟକ l ଚଳଚ୍ଚିତ୍ରରେ ମୁଖ୍ୟ ଚରିତ୍ରରେ ମୀରା ପରିଡା, ନବାଗତ ଅଭିନେତା ରୁଦ୍ର ପ୍ରତାପ ମହାନ୍ତି ଏବଂ ଅଭିନେତ୍ରୀ ଭୂମିଙ୍କ ସହିତ ଆର୍ଯ୍ୟ ମହାନ୍ତି, ଶିବାଜୀ ରାଜା ପ୍ରମୁଖ ଅଭିନୟ କରିଛନ୍ତି l

ରିପୋର୍ଟ : ଭୁବନେଶ୍ବରରୁ ଅଭିଜିତ୍ ସିଂ