ପଦ୍ମପୁରରେ ବିଜେଡି ପାଇଁ ବୁମେରାଂ ହେବେ ବିଜେପିର ଷ୍ଟାର ପ୍ରଚାରକ ସୂରଜ ସୂର୍ଯ୍ୟବଂଶୀ

ପଦ୍ମପୁର ପାଇଁ ବିଜେପିର ଷ୍ଟାର ପ୍ରଚାରକ ସାଜିବେ ସୂରଜ ସୂର୍ଯ୍ୟବଂଶୀ । ବୁଧବାର ବିରୋଧୀ ଦଳ ନେତା ଜୟନାରାୟଣ ମିଶ୍ର ଏ ନେଇ ସୂଚନା ଦେଇଛନ୍ତି । ଧାମନଗର ଉପନିର୍ବାଚନରେ ବିଜୟ ହାସଲ କରି ଚର୍ଚ୍ଚାରେ ଥିବା ସୂର୍ଯ୍ୟବଂଶୀ ସୂରଜଙ୍କୁ ପଦ୍ମପୁରରେ ବ୍ୟବହାର କରିବ ବିଜେପି । ଶ୍ରୀ ମିଶ୍ର କହିଛନ୍ତି, ସୂର୍ଯ୍ୟବଂଶୀ ସୂରଜ ଉଚ୍ଚ ଶିକ୍ଷିତ । ସେ ନୂଆ କରି ବିଧାନସଭାକୁ ଆସିଛନ୍ତି । ରାଜନୀତିରେ ନୂଆ ହେଲେ ବି ଜଣେ ପୋଖତ ରାଜନେତା ଭାବେ ନିଜକୁ ପ୍ରମାଣିତ କରିଛନ୍ତି । ତାଙ୍କର ପ୍ରଭାବ ନିଶ୍ଚିତ ଭାବେ ଭୋଟରଙ୍କ ଉପରେ ରହିବ ।

ପଦ୍ମପୁର ଉପନିର୍ବାଚନ ପାଇଁ ବିରୋଧୀ ଦଳ ନେତା ଜୟନାରାୟଣ ମିଶ୍ରଙ୍କ ସହିତ ବରଗଡ଼ ସାଂସଦ ସୁରେଶ ପୂଜାରୀ ଓ କଳାହାଣ୍ଡି ସାଂସଦ ବସନ୍ତ ପଣ୍ଡାଙ୍କୁ ବିଜେପି ଦାୟିତ୍ୱ ଦେଇଛି । ଏତଦ୍ ବ୍ୟତୀତ ଓଡ଼ିଶାର ତିନି କେନ୍ଦ୍ର ମନ୍ତ୍ରୀ ମଧ୍ୟ ପଦ୍ମପୁର ଉପନିର୍ବାଚନ ଦାୟିତ୍ବ ନେବେ ବୋଲି ଜୟନାରାୟଣ ମିଶ୍ର କହିଛନ୍ତି । ସେପଟେ ପଦ୍ମପୁର ପ୍ଲାନ ପ୍ରସ୍ତୁତ କରିବାକୁ ଆସୁଛନ୍ତି ସୁନୀଲ ବଂସଲ ।