ଏସ୍ପି ବାଇକରେ ଆସିଲେ ଏବଂ ସେକ୍ସ ରାକେଟର ପର୍ଦ୍ଦାଫାଶ୍ କଲେ

ବ୍ରହ୍ମପୁର ସହରରେ ସେକ୍ସ ରାକେଟ ଠାବ । ଦିନକୁ ଦିନ ବ୍ରହ୍ମପୁର ସହରରେ ସେକ୍ସ ରାକେଟ କାରବାର ବୃଦ୍ଧି ହେବାରେ ଲାଗିଛି । ଏହାକୁ ଦୃଷ୍ଟିରେ ରଖି ବ୍ରହ୍ମପୁର ପୋଲିସ ଏକ ବଡ ଧରଣର ଚଢ଼ାଉ କରି ସଫଳତା ହାସଲ କରିଛି । ସହରର ମଧ୍ୟଭାଗରେ ଥିବା ଟାଟା ବେଞ୍ଜି ଛକରେ ଥିବା ତୁଳସୀ ଗେଷ୍ଟହାଉସରେ ପୋଲିସ ଚଢ଼ାଉ କରି ୧୦ଜଣ ଗ୍ରାହକଙ୍କୁ ଗିରଫ କରିଛି । ଏହା ସହ ଘଟଣାସ୍ଥଳରୁ ୪ଜଣ ଦେହଜୀବୀଙ୍କୁ ଉଦ୍ଧାର କରାଯାଇଛି । ସୂଚନା ଅନୁସାରେ ଦୀର୍ଘ ଦିନ ହେବ ତୁଳସୀ ଗେଷ୍ଟ ହାଉସକୁ ଭଡା ସୂତ୍ରରେ ନେଇ ସେଠାରେ ସେକ୍ସ କାରବାର ଜାରି ରହିଥିଲା । ବିଶେଷ ସୂତ୍ରରୁ ଖବର ପାଇ ପୋଲିସ ପକ୍ଷରୁ ଏ ନେଇ ଏକ ଟିମ୍ ଗଠନ କରାଯାଇ ଉକ୍ତ ଗେଷ୍ଟ ହାଉସ ଉପରେ ନଜର ରଖାଯାଇଥିଲା । ଆଜି ସେଠାରେ ସେକ୍ସ କାରବାର ହେଉଥିବା ଖବର ପାଇ ତୁରନ୍ତ ଏସ୍ପି ଶ୍ରବଣ ବିବେକ ପୋଲିସ ଟିମ୍ ସହିତ ମଟୋର ସାଇକଲରେ ଆସି ସେଠାରେ ଚଢାଉ କରି ଏହି ସଫଳତା ହାସଲ କରିଛି ।

ବ୍ରହ୍ମପୁରରୁ ନିକୁଞ୍ଜ ବିହାରୀ ପଟ୍ଟନାୟକ