ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ବାସ ତ୍ୟାଗ କଲେ କିଶନନଗର ଥାନା ସମ୍ମୁଖରେ ଆତ୍ମହୁତି ଉଦ୍ୟମ କରିଥିବା ବ୍ୟକ୍ତି

କଟକ ଜିଲ୍ଲା କିଶନନଗର ଥାନା ପରିସରରେ ଆତ୍ମହତ୍ୟା ଉଦ୍ୟମ କରି ଗୁରତର ଭାବେ ପୋଡି ହୋଇଯାଇଥିବା ଈଶାଣି ଵରହମପୁରର ଗୁଣନିଧି ବିଷୋୟୀଙ୍କ ଚିକିତ୍ସାଧୀନ ଅବସ୍ଥାରେ କଟକର ଅଶ୍ୱିନୀ ହସ୍ପିଟାଲରେ ମୃତ୍ୟୁ ହୋଇଥିବା ଜଣାପଡିଛି । ଜମିବାଡି ବିବାଦକୁ ନେଇ ଥାନାର ଦ୍ବାରସ୍ଥ ହୋଇଥିଲେ ଗୁଣନିଧି । ତେବେ ବାରମ୍ବାର ଥାନାକୁ ଦୌଡି ହତାଶ ହେବା ପରେ ଥାନା ସମ୍ମୁଖରେ ନିଜ ଦେହରେ ନିଆଁ ଲଗାଇ ଆତ୍ମହୁତି ଉଦ୍ୟମ କରିଥିଲେ ଗୁଣନିଧି ।

ସେପଟେ ଏହି ଘଟଣାରେ ଥାନା ଅଧିକାରୀଙ୍କ ବହିଷ୍କାର ଦାବିରେ କିଶୋରନଗର ଥାନାରେ ବିକ୍ଷୋଭ ପ୍ରଦର୍ଶନ କରାଯାଇଛି । ସ୍ଥାନୀୟ ଲୋକଙ୍କ ସହ ବିଭିନ୍ନ ସଂଗଠନ ପକ୍ଷରୁ ଥାନା ଘେରାଉ କରାଯାଇଛି ।

ସୂଚନା ଅନୁସାରେ, ଜମିଜମା ବିବାଦକୁ ନେଇ ଥାନକୁ ଆସିଥିଲେ ଗୁଣନିଧି । ଗତ ସପ୍ତାହରୁ ଏନେଇ ସେ ଥାନାରେ ଏତଲା ଦେଇଥିଲେ ସୁଦ୍ଧା ଥାନା ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନଥିଲା । ତେଣୁ ସେ ଗତକାଲି ଥାନା ଆଗରେ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ଫଳରେ ତାଙ୍କର ଶରୀରର ପ୍ରାୟ ୮୦ ପ୍ରତିଶତ ପୋଡି ଯାଇଥିବା ବେଳେ ତାଙ୍କୁ କଟକ ବଡ ମେଡିକାଲରେ ଭର୍ତି କରିଥିଲେ । ଡାକ୍ତରଖାନାରେ ଆଜି ତାଙ୍କର ମୃତ୍ୟୁ ହୋଇଛି ।

ସାଲେପୁରରୁ ଅଭୟ ଜେନା