କନ୍ଦରପୁରସ୍ଥିତ ବେଣ୍ଟକାର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ମାଗଣା ସ୍ବାସ୍ଥ୍ୟମେଳା ଅନୁଷ୍ଠିତ

କଟକ ସଦର ବ୍ଲକ ଅନ୍ତର୍ଗତ କନ୍ଦରପୁରଠାରେ ବେଣ୍ଟକାର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ମୁଖ୍ୟ ଡାକ୍ତର ବସନ୍ତ ସାହୁଙ୍କ ଅଧ୍ୟକ୍ଷତାରେ ଏକ ମାଗଣା ସ୍ବାସ୍ଥ୍ୟମେଳା ଅନୁଷ୍ଠିତ ହୋଇଯାଇଛି । କଟକ ସଦର ବ୍ଲକ ବିଡ଼ିଓ ରାଜୀବ ଲୋଚନ ପରିଡ଼ା ଏହାକୁ ଉଦ୍ଘାଟନ କରିଥିବାବେଳେ ଅନ୍ୟତମ ଅତିଥି ଭାବରେ ଜିଲ୍ଲା ପରିଷଦ ସଭ୍ୟ ପ୍ରଦୀପ୍ତ କୁମାର ମାହାଲି, କନ୍ଦରପୁର ସରପଞ୍ଚ ସୁଭାଶିନି ରାଉତ, ସମିତି ସଭ୍ୟ ସାରଦା ପ୍ରସନ୍ନ ସ୍ୱାଇଁ , ସିଡିପିଓ ପ୍ରମୁଖ ଯୋଗଦେଇଥିଲେ ।

ଶିବିରରେ ମୋଟ ୧୯ ଟି ବିଭାଗର ଅଭିଜ୍ଞ ଡାକ୍ତରଙ୍କ ସାମିଲ ହୋଇ ସାଧାରଣ ଜନତାଙ୍କ ଚିକିତ୍ସା କରିଥିଲେ । କେନ୍ଦ୍ର ସରକାରଙ୍କ ସହାୟତାରେ ଓ ରାଜ୍ୟ ସରକାରଙ୍କ ଦ୍ଵାରା ଅନୁଷ୍ଠିତ ଏହି ଶିବିରରେ ଅନେକ ରୋଗୀଙ୍କୁ ମାଗଣା ଔଷଧ ବଣ୍ଟନ କରାଯାଇଥିଲା ।

କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସଦରବ୍ଲକ ଉପାଧ୍ୟକ୍ଷା ଅମ୍ବିକା ପାତ୍ର, ପରମହଂସ ସରପଞ୍ଚ ଅଶୋକ ପାତ୍ର, ଆୟତପୁର ସରପଞ୍ଚ ରାକେଶ ବେହେରା, ସଦର ବିକାଶ ମଞ୍ଚ ସଭାପତି ସୁବୋଧ ବେହେରା, ଯୁବନେତା କାଳନ୍ଦୀ ସ୍ୱାଇଁଙ୍କ ସମେତ ଅନେକ ଜନସାଧାରଣ ସହଯୋଗ କରିଥିଲେ । ଏହା ସହ ଶିବିରରେ ସ୍ୱାସ୍ଥ୍ୟକର୍ମୀ ସନ୍ଧ୍ୟାରାଣି ଦାଶ, ଶିବାନୀ ବୋଷ, ଭାରତୀ ଦାସ, ମଙ୍ଗୁଳି ସେନ ବେହେରା ଓ ମିନତି ବେହେରା ପ୍ରମୁଖଙ୍କ ସହିତ ଆୟୁଷ ଡାକ୍ତର ଶୁବାଶିଷ ଶତପଥୀ ଓ ଡାକ୍ତର ସଂଜୀବ ମହାନ୍ତି ଓ ବହୁ କର୍ମଚାରୀ ଉପସ୍ଥିତ ରହି ଉପଯୁକ୍ତ ସହାୟତା ପ୍ରଦାନ କରିଥିଲେ ।

କଟକରୁ ବିଭୁ ପ୍ରସାଦ ସ୍ବାଇଁ