ଭୀମଭୋଇ ମେଡିକାଲ କଲେଜରେ ଅଘଟଣ, ଆରପାରିରେ ଡାକ୍ତରୀ ଛାତ୍ର
ବଲାଙ୍ଗିର ସ୍ଥିତ ଭୀମଭୋଇ ମେଡିକାଲ କଲେଜ ହଷ୍ଟେଲ ଛାତରୁ ଖସି ଛାତ୍ରଙ୍କ ମୃତ୍ୟୁ । ସେ ଏମ୍ବିବିଏସ୍ ପ୍ରଥମ ବର୍ଷର ଛାତ୍ର ଥିଲେ । ତାଙ୍କ ନାଁ ନିଶାନ୍ତ କୁମାର ଏବଂ ତାଙ୍କ ଘର ହରିଆଣାରେ ବୋଲି ସୂଚନା ମିଳିଛି ।
ନିଶାନ୍ତ କଲେଜର ନ୍ୟୁ ବଏଜ ହଷ୍ଟେଲରେ ରହୁଥିଲେ । ମିଳିଥିବା ତଥ୍ୟ ଅନୁଯାୟୀ, ଆଜି ସେ ମଧ୍ୟାହ୍ଣ ଭୋଜନ କରିବା ପରେ ଛାତ ଉପରକୁ ଯାଇଥିଲେ । ହେଲେ କୌଣସି କାରଣରୁ ସେ ଛାତରୁ ଖସି ପଡିଥିଲେ । ତାଙ୍କୁ ପ୍ରଥମେ ଗୁରୁତର ଅବସ୍ଥାରେ ବଲାଙ୍ଗିର ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ତେବେ କେଉଁ ପରିସ୍ଥିତିରେ ଡାକ୍ତରୀ ଛାତ୍ରଙ୍କ ମୃତ୍ୟୁ ହେଲା ତାହା ଜଣାପଡିନାହିଁ । ଏହା ଏକ ଦୁର୍ଘଟଣା ନା ଆଉ କିଛି ସେ ନେଇ ତଦନ୍ତ ଚାଲିଥିବା ଜଣାପଡିଛି ।
