ଆକ୍ସନ ମୁଡ଼ରେ କୋଦଳା ଏନ୍ଏସି ଅଧ୍ୟକ୍ଷ, ବିକାଶ ପାଇଁ ଚାଲିଛି ରଣନୀତି

ଆକ୍ସନ ମୁଡ଼ରେ କୋଦଳା ଏନ୍ଏସି ଅଧ୍ୟକ୍ଷ । ଦାୟିତ୍ୱ ନେବା ପରଠୁ ଏନ୍ଏସିର ବିକାଶ ନିମନ୍ତେ ସଦା ତତ୍ପର ରହୁଛନ୍ତି ନବ ନିର୍ବାଚିତ ଅଧ୍ୟକ୍ଷ ସୂର୍ଯ୍ୟ ନାରାୟଣ ନାୟକ । ପ୍ରତ୍ୟେକ ୱାର୍ଡକୁ ପ୍ରତ୍ୟେହ ବୁଲିବା ସହ ଅଗାମୀ ଦିନରେ କେମିତି ବିକାଶ ହେବ ସେ ନେଇ ଜନସାଧାରଣଙ୍କ ସହିତ ଆଲୋଚନା କରୁଥିବା ଦେଖିବାକୁ ମିଳିଛି । ସ୍ୱଚ୍ଛ, ସୁନ୍ଦର, ପ୍ଲାଷ୍ଟିକ ମୁକ୍ତ ସହର ଭାବେ ଗଢି ତୋଳିବା ସ୍ବପ୍ନ ନେଇ ଅଧ୍ୟକ୍ଷ ଆଗେଇ ଚାଲିଥିବାବେଳେ ତାଙ୍କର ଏତାଦୃଶ କାର୍ଯ୍ୟଶୈଳୀକୁ ପସନ୍ତ କରୁଛନ୍ତି କୋଦଳାବାସୀ । ବୁଧବାର ଶ୍ରୀ ନାୟକ କୋଦଳା ଏନଏସିର ୧୩, ୭ ଓ ୮ନମ୍ବର ୱାର୍ଡ ବୁଲିବା ସହ ପୂର୍ବରୁ ହୋଇଥିବା ସମସ୍ତ କାର୍ଯ୍ୟକୁ ତଦାରଖ କରିଛନ୍ତି । ଏହା ସହ ଲୋକଙ୍କ ବିଭିନ୍ନ ସମସ୍ୟା ବୁଝିବା ସହିତ ଗାର୍ଡ ୱାଲ ନିର୍ମାଣ, ପାର୍କ ନିର୍ମାଣ ପାଇଁ ଆବଶ୍ୟକୀୟ ପଦକ୍ଷେପ ନେବାକୁ ପ୍ରତିଶ୍ରୁତି ଦେଇଛନ୍ତି । ଏହି ସମୟରେ ଉପାଧ୍ୟକ୍ଷା ରଂଜିତା ସେଠି, କୋଦଳା ଏନ୍ଏସିର କନିଷ୍ଠଯନ୍ତ୍ରୀ ଓ ୱାର୍ଡ କାଉନସିଲର ପ୍ରମୁଖ ଉପସ୍ଥିତ ଥିଲେ ।

ବେଗୁନିଆପଡାରୁ ବାପୁନି କୁମାର ମାଲୁ