ଦଶମ ଓ ଦ୍ୱାଦଶ ବୋର୍ଡ ପରୀକ୍ଷାରେ ସାଲେପୁର ପବ୍ଲିକ ସ୍କୁଲର ଶତପ୍ରତିଶତ ସଫଳତା
ସାଲେପୁର, (ଫ୍ରିଟୁସ୍ପିକ୍/ ଅଭୟ ଜେନା) : ସାଲେପୁର ମାଛୁଆତି ସ୍ଥିତ ସାଲେପୁର ପବ୍ଲିକ ସ୍କୁଲର ଦଶମ ଓ ଦ୍ୱାଦଶ ବୋର୍ଡ ପରୀକ୍ଷାରେ ଶତପ୍ରତିଶତ ଫଳାଫଳ କରି ବିଦ୍ୟାଳୟର ଗୌରବ ବୃଦ୍ଧି କରିଛନ୍ତି । ବିଦ୍ୟାଳୟର ଶୁଭମ ସ୍ୱରୂପ ପ୍ରଧାନ ୯୮%, ସୌମ୍ୟ ରଞ୍ଜନ ରାଉତ ୯୭%, ନିର୍ଲିପ୍ତା ପ୍ରିୟଦର୍ଶିନୀ ପ୍ରଧାନ ୯୬.୫% ହାସଲ କରି ବ୍ଲକରେ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରି ଅନୁଷ୍ଠାନ ତଥା ଅଞ୍ଚଳର ଗୌରବ ବୃଦ୍ଧି କରିଛନ୍ତି । ଦଶମ ବୋର୍ଡ ପରୀକ୍ଷା ଦେଇଥିବା ପିଲାମାନଙ୍କ ମଧ୍ୟରେ ୧୭ ଜଣ ୯୦%ରୁ ଅଧିକ, ୩୫ ଜଣ ୮୦ରୁ ୮୯%, ୬ ଜଣ ୭୦ରୁ ୭୯% ଅନ୍ୟମାନେ ୬୦ରୁ ୬୯% ଫଳାଫଳ କରି ଗୌରବ ଆଣିଛନ୍ତି । ଦଶମ ବୋର୍ଡ ପରୀକ୍ଷାରେ ତନୁଶ୍ରୀ ରାଉତ ଓ ସୌମ୍ୟ ରଞ୍ଜନ ରାଉତ ଓଡ଼ିଆରେ ଶତପ୍ରତିଶତ ନମ୍ବର ରଖିଛନ୍ତି । ଦ୍ୱାଦଶ ବୋର୍ଡ ପରୀକ୍ଷାରେ ବିରଞ୍ଚି ନାରାୟଣ ଦାଶ ୯୦% ରୁ ଅଧିକ ରଖି ସର୍ବୋଚ୍ଚ ଫଳାଫଳ କରିଛନ୍ତି । ବିଦ୍ୟାଳୟର ଚଳିତ ଫଳାଫଳରେ ସନ୍ତୋଷ ପ୍ରକାଶ କରି ବିଦ୍ୟାଳୟର ସମ୍ପାଦକ ଦିଲ୍ଲୀପ କୁମାର ବରାଳ ଓ ପରିଚାଳନା ନିଦେ୍ର୍ଧଶିକା ଡ଼. ଜୟନ୍ତୀ ମିଶ୍ର, ଅଧ୍ୟକ୍ଷ ଡ଼. ଅଭିରାମ ସାହୁ ଓ ଶିକ୍ଷକ ଶିକ୍ଷୟିତ୍ରୀଙ୍କୁ କୃତଜ୍ଞତା ଜଣାଇବା ସହ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି ।
