ନିଖୋଜ୍ ଯୁବକର ମିଳୁନି ପତ୍ତା, ଭରତପୁର ଥାନାରେ ଅଭିଯୋଗ…

କନ୍ଧମାଳ, (ଏଫ୍ଟୁଏସ୍/ କୁନା ଦିଗାଲ) : କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ୍ ଅନ୍ତର୍ଗତ ଦୁତିମେଣ୍ଡି ପଞ୍ଚାୟତର ସଞ୍ଜୀବ କୁମାର ସେଠି ଭୁବନେଶ୍ୱରରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟରତ ଥିଲେ । ଚଳିତ ମାସ ୨ ତାରିଖରେ ଘରଲୋକ ତାଙ୍କର ମୋବାଇଲ୍ ନମ୍ବର ୮୨୪୯୮୧୨୮୬୮କୁ ଯୋଗାଯୋଗ କରିଥିଲେ, ମାତ୍ର ଫୋନ୍ ସୁଇଜ୍ ଅଫ୍ ଥିବାରୁ ଯୋଗାଯୋଗ ହେଇପାରି ନ ଥିଲା । ଦୀର୍ଘ ସମୟ ଧରି ଅପେକ୍ଷା କରିବା ପରେ ମଧ୍ୟ ଯୋଗାଯୋଗ ସମ୍ଭବ ନ ହେବାରୁ ପରିବାର ପକ୍ଷରୁ ସଞ୍ଜୀବଙ୍କ ସ୍ତ୍ରୀ ପୂର୍ଣ୍ଣିମା ସେଠି ଭୁବନେଶ୍ୱରର ଭରତପୁର ଥାନାରେ ଗତ ୪ ତାରିଖରେ ନିଖୋଜକୁ ନେଇ ଲିଖିତ ଅଭିଯୋଗ କରିଛନ୍ତି । ଏ ନେଇ ଭରତପୁର ଥାନା କେସ୍ ନମ୍ବର ୧୫୯/୨୪ ରେ ମାମଲା ରୁଜୁକରି ଏଏସ୍ଆଇ ଏସ୍ ଦଳେଇ ଅଧିକ ତଦନ୍ତ କରୁଥିବା ସୂଚନା ମିଳିଛି ।