ନିର୍ବାଚନୀ ପ୍ରତିଶ୍ରୁତି ପୂରଣ କଲେ ବିଧାୟକ ପ୍ରଦୀପ ସାହୁ…

ଖୋର୍ଦ୍ଧା, (ଏଫ୍ଟୁଏସ୍/ ପ୍ରସନ୍ନ କୁମାର ସ୍ୱାଇଁ) : ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ କଳାଙ୍ଗ ପଞ୍ଚାୟତ କଳାଙ୍ଗ ଗ୍ରାମର ଗୋଛାବରୀ ପଡିଆରେ ନୂତନ ଭାବେ ସ୍ୱାସ୍ଥ୍ୟ ଉପ-କେନ୍ଦ୍ରର ଭିତ୍ତିପ୍ରସ୍ତର ସ୍ଥାପନ କରାଯାଇଛି । ଦୀର୍ଘ ଦିନର ପ୍ରତୀକ୍ଷା ଏବଂ ସ୍ଥାନୀୟ ଜନସାଧାରଣଙ୍କ ବହୁ ଦିନର ଦାବିକୁ ପୂରଣ କରିଛନ୍ତି ବିଧାୟକ ପ୍ରଦୀପ କୁମାର ସାହୁ । ନିର୍ବାଚନ ପୂର୍ବରୁ ବିଧାୟକ ଶ୍ରୀ ସାହୁଙ୍କ ପ୍ରତିଶ୍ରୁତି ଭିତ୍ତି ପ୍ରସ୍ତର ସ୍ଥାପନ ପରେ ପୂରା ହେବାକୁ ଯାଉଥିବା କହିଛନ୍ତି ସ୍ଥାନୀୟ ଜନସାଧାରଣ । ଏ ନେଇ ସ୍ଥାନୀୟବାସୀ ବେଶ୍ ଉତ୍ସାହିତ ଥିବାସହ ବିଧାୟକଙ୍କୁ ଧନ୍ୟବାଦ ଜ୍ଞାପନ କରିଛନ୍ତି । ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ଓ ବିଜେଡି କର୍ମକର୍ତ୍ତାଙ୍କ ସମେତ ବହୁ ଗ୍ରାମବାସୀ ଯୋଗ ଦେଇଥିଲେ ।