ଭୁଲ ଖବର ପରିବେଷଣକୁ ନିନ୍ଦା କଲେ AICWC ର ରାଜ୍ୟ ଉପସଭାପତି…

କନ୍ଧମାଳ, (ଏଫ୍ଟୁଏସ୍) : ଶିକ୍ଷକ ହେଉଛନ୍ତି ଜ୍ଞାନଗୁରୁ, ସଂସ୍କାର ଗୁରୁ । ବର୍ତ୍ତମାନ ରାଜ୍ୟ ସରକାର ସମସ୍ତ ବିଦ୍ୟାଳୟକୁ ଦଣ୍ଡମୁକ୍ତ ଅଂଚଳ ଭାବେ ଘୋଷଣା କରିଛନ୍ତି । ମାତ୍ର ଯଦି ଜଣେ ଛାତ୍ର ନିଜର ପ୍ରାରମ୍ଭ ଜୀବନରୁ ହିଁ ଭ୍ରଷ୍ଟ ହେବ, ତେବେ ତାକୁ ସଜାଡିବା ହେଉଛି ଶିକ୍ଷକଙ୍କର କର୍ତ୍ତବ୍ୟ । ଏହି କର୍ତ୍ତବ୍ୟକୁ ସଫଳତାର ସହ ସମ୍ପାଦନ କରୁଥିଲେ କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ୍ ଅନ୍ତର୍ଗତ ବଲସ୍କୁମ୍ପା ପଞ୍ଚାୟତ ନିକଟରେ ଥିବା ଛନ୍ଦୁରୁପଦର ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ । ତେବେ କିଛିଦିନ ତଳେ ବିଭିନ୍ନ ସାମାଜିକ ଗଣମାଧ୍ୟମରେ ଉକ୍ତ ଶିକ୍ଷୟତ୍ରୀଙ୍କ ବିରୋଧରେ ଏକ ସଙ୍ଗୀନ ଅଭିଯୋଗ ନେଇ ଖବର ପ୍ରକାଶିତ ହୋଇଥିଲା । ଶିକ୍ଷୟତ୍ରୀ ଜଣକ ଦଣ୍ଡମୁକ୍ତ ଅଂଚଳରେ ଜଣେ ପ୍ରଥମ ଶ୍ରେଣୀର ଛାତ୍ରକୁ ନିର୍ଧୁମ୍ ମାଡ ମାରି ଲହୁଲୁହାଣ କରିଥିବା ଭଳି ଖବର ପ୍ରାକଶ ପାଇଥିଲା । ଏହି ଘଟଣାର ସତ୍ୟାସତ୍ୟ ଜାଣିବା ନିମନ୍ତେ AICWC ର ରାଜ୍ୟ ଉପସଭାପତି କୁନା ଦିଗାଲ ବିଦ୍ୟାଳୟରେ ପଂହଚି ତନାଘନା କରିଥିଲେ । ତେବେ ତନାଘନା ପରେ ଯାହା ଜଣାପଡିଲା ତାହା ଅଶ୍ଚର୍ଯ୍ୟକର ଥିଲା । ବାଳୁଙ୍ଗା ଛାତ୍ରର ଭୁଲକୁ କେହି ଦେଖିଲେନି । ମାତ୍ର ଛାତ୍ରର ଉଦଣ୍ଡାମିକୁ ସୁଧାରିବା ପାଇଁ ଶିକ୍ଷୟତ୍ରୀଙ୍କ ପ୍ରୟାସକୁ ଭୁଲ ଅର୍ଥରେ ନେଇ ଅନର୍ଥ କରାଯାଇ ତାଙ୍କର ସମ୍ମାନହାନୀ ହୋଇଥିବା ଜଣାପଡିଥିଲା ।
ଉକ୍ତ ବିଦ୍ୟାଳୟର ଅନ୍ୟ ଛାତ୍ରଛାତ୍ରୀଙ୍କ କହିବା କଥା ହେଲା ଶିକ୍ଷୟତ୍ରୀ ଜଣକ ଛାତ୍ରବତ୍ସଳ । ପିଲାଙ୍କୁ ବିଭିନ୍ନ ସମୟରେ ସେ ଗୀତ, ଗପ, ନାଚ ମାଧ୍ୟମରେ ଅତି ସୁନ୍ଦର ଭାବେ ପାଠ ପଢାନ୍ତି । ତେବେ ଉକ୍ତ ପ୍ରଥମ ଶ୍ରେଣୀର ଛାତ୍ର ବହୁ ଉଦଣ୍ଡ । ଅନେକ ସମୟରେ ଅନ୍ୟ ଛାତ୍ରଛାତ୍ରୀଙ୍କ ମାଡ ମାରିବା ସହ ବହୁ ଅସଭ୍ୟ ଭାଷାରେ ଗାଳୁ ଗୁଲଜ କରେ । ଏପରିକି ଅନେକ ଛାତ୍ରଙ୍କ ସାର୍ଟ ପ୍ୟାଣ୍ଟ ମଧ୍ୟ ଚିରିଦିଏ । ତାର ଏଭଳି ଉଦଣ୍ଡାମୀକୁ ସୁଧାରିବା ନିମନ୍ତେ ଶିକ୍ଷୟତ୍ରୀ ଜଣକ ଉକ୍ତ ଛାତ୍ରକୁ ସାମାନ୍ୟ ଭୟଭୀତ କରିଥିଲେ । ଯାହାକି ପରବର୍ତ୍ତୀ ସମୟରେ ଉକ୍ତ ଛାତ୍ରର ପିତା ମାତା ମଧ୍ୟ ଅନୁଭୁ କରିଥିଲେ । ଏବଂ ଏ ନେଇ ସେମାନେ ଶିକ୍ଷୟତ୍ରୀଙ୍କୁ ବିଦ୍ୟାଳୟର ପିଟିଏ ମିଟିଂରେ କ୍ଷମା ମାଗିଥିବା ମଧ୍ୟ ଜଣାପଡିଛି । ତେବେ ପ୍ରକୃତ ସତ୍ୟ ଘଟଣା ନ ଜାଣି ସାମାଜିକ ଗଣମାଧ୍ୟମ ପ୍ରତିନିଧିଙ୍କ ଏଭଳି ଖବର ପ୍ରସାରଣକୁ ନିନ୍ଦା କରିଛନ୍ତି AICWC ର ରାଜ୍ୟ ଉପସଭାପତି କୁନା ଦିଗାଲ ।