ଲୁଣା ନଦୀକୁ ଡେଇଁ ମହିଳା ନିଖୋଜ…

ସାଲେପୁର, (ଏଫ୍ଟୁଏସ୍/ ଅଭୟ ଜେନା) : ଲୁଣା ନଦୀକୁ ଡେଇଁ ମହିଳା ନିଖୋଜ । ଏଭଳି ଘଟଣା ଘଟିଛି କଟକ ଜିଲ୍ଲା ନେମାଳ ଥାନା ଫତେପୁର ଗାଁରେ । ଫତେପୁର ନିକଟ ଲୁଣା ନଦୀରେ ବାଲିଅପଦା ଗାଁର ପୁଷ୍ପାଞ୍ଜଳୀ ମଳିକ ନଦୀ ଗର୍ଭକୁ ଡେଇଁ ପଡିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ତେବେ ସ୍ଥାନୀୟ ଲୋକ ତଥା ସମ୍ପର୍କୀୟଙ୍କ କହିବା ଅନୁଯାୟୀ, ଘରୋଇ ସଂସ୍ଥାରୁ ନେଇଥିବା ଋଣକୁ କେନ୍ଦ୍ରକରି ଅନେକ ସମୟରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ କଳହ ହେଉଥିଲା । ଏହାକୁ ନେଇ ନିଖୋଜ ମହିଳାଙ୍କ ମାମୁଁ ଅଭିଯୋଗ କରିଛନ୍ତି । ଅପରପକ୍ଷେ ମାତ୍ର ଦୁଇ ହଜାର ଟଙ୍କାକୁ ନେଇ ସ୍ୱାମୀ-ସ୍ତ୍ରୀଙ୍କ ଭିତରେ ସାମାନ୍ୟ ମାନମାଳିନ୍ୟ ଥିଲା ବୋଲି କହିଛନ୍ତି ନିଖୋଜ ମହିଳାଙ୍କ ସ୍ୱାମୀ । ଏବେ ବି ମହିଳାଙ୍କୁ ଅଗ୍ନିଶମ କର୍ମଚାରୀମାନେ ଖୋଜାଖୋଜି ଜାରି ରଖିଛନ୍ତି ।