‘ଜୀବିକା ପାଇଁ ବିକେନ୍ଦ୍ରୀତ ଅକ୍ଷୟ ଉର୍ଜାର ସମନ୍ୱୟ ଓ ବ୍ୟବହାର’ ଦିଗରେ ଆଲୋଚନା…

ଭୁବନେଶ୍ୱର, (ଏଫ୍ଟୁଏସ୍) : ଭୁବନେଶ୍ୱରସ୍ଥିତ ଲାଇଫ ହୋଟେଲରେ UNDP, CEEW, CLEAN, GEAPP ଏବଂ ହର୍ଷା ଟ୍ରଷ୍ଟର ମଳିତି ଆନୁକୂଲ୍ୟରର ‘ଜୀବିକା ପାଇଁ ବିକେନ୍ଦ୍ରୀତ ଅକ୍ଷୟ ଉର୍ଜା (Decentralized Renewable Energy) ର ସମନ୍ୱୟ ଓ ବ୍ୟବହାର’ ପାଇଁ ଏକ ପରାମର୍ଶ କର୍ମଶାଳା ଅନୁଷ୍ଠିତ ହୋଇଯାଇଛି । ଏହି କର୍ମଶାଳାରେ ଓଡିଶାରେ ଜୀବିକାର ବିକାଶ ପାଇଁ କାର୍ଯ୍ୟ କରୁଥିବା ବଭିିନ୍ନ ସରକାରୀ ବିଭାଗ, ସ୍ୱୟଂସେବୀ ସଂଗଠନ, ଶିକ୍ଷାନୁଷ୍ଠାନ, ଉଦ୍ୟୋଗୀ ସଂଗଠନ, ଅନୁସନ୍ଧାନ ଓ ବିକାଶ କାର୍ଯ୍ୟ କରୁଥିବା ଅନୁଷ୍ଠାନ ଓ ଅନ୍ୟାନ୍ୟ ସଂସ୍ଥାର ପ୍ରତିନିଧିମାନେ ଯୋଗ ଦେଇଥିଲେ । ବର୍ତ୍ତମାନ ପର୍ଯ୍ୟନ୍ତ ଜୀବିକା ପାଇଁ ଅକ୍ଷୟ ଉର୍ଜାର କିପରି ବ୍ୟବହାର ହେଉଛି, ତାହାର କ୍ଷମତା, ଦକ୍ଷତା ଓ ସମସ୍ୟା, ଏଥିପାଇଁ ଥିବା ବିଭିନ୍ନ ବିଭାଗୀୟ ଯୋଜନା, ମିଳତି ପ୍ରଚେଷ୍ଟାର ଅନୁଭବ ଓ ସମ୍ଭାବନା ବିଷୟରେ ଆଲୋଚନା ହୋଇଥିଲା । ଏଥିରେ ଅବସରପ୍ରାପ୍ତ ଭାରତୀୟ ପ୍ରଶାସନିକ ସେବା ଅଧିକାରୀ ଶ୍ରୀଯୁକ୍ତ ଅରବିନ୍ଦ ବେହେରା, ମତ୍ସ୍ୟ ଓ ପଶୁ ସମ୍ପଦ ବିକାଶ ବିଭାଗର ଉପ ନିଦେ୍ର୍ଦଶକ ଶ୍ରୀଯୁକ୍ତ ଦେବାନନ୍ଦ ଭଞ୍ଜ, OREDAର କାଯ୍ୟକର୍ତ୍ତା ଶ୍ରୀ ସୌମ୍ୟ ରଞ୍ଜନ ଆଇଚ ପ୍ରମଖୁ ଯୋଗ ଦେଇଥିଲେ ।
ଜୀବିକାର ବିକାଶ ପାଇଁ କାର୍ଯ୍ୟରତ ୨୦ ରୁ ଅଧିକ ବିଭାଗ ଓ ସଂଗଠନର ୭୦ ଜଣ ପ୍ରତିନିଧି ଯୋଗ ଦେଇ ଅକ୍ଷୟ ଉର୍ଜାର ବିଭିନ୍ନ ଦିଗ ଉପରେ ଆଲୋଚନା କରିଥିଲେ । ଜଳବାୟୁ ପରିବର୍ତ୍ତନ, ଜୀବାଶ୍ମ ଶକ୍ତି, ବିଦୁ୍ୟତ ଓ ପାରମ୍ପରିକ ଶକ୍ତିର ବିଭିନ୍ନ ସମସ୍ୟା ପରିପ୍ରେକ୍ଷୀରେ, ବିକେନ୍ଦ୍ରୀତ ଅକ୍ଷୟ ଉର୍ଜାର ବ୍ୟବହାର ପାଇଁ ଥିବା ଆବଶ୍ୟକତା ଓ ସମ୍ଭାବନା ବିଷୟରେ ଆଲୋକପାତ କରିଥିଲେ ।