ସକାଳେ ଶଙ୍ଖ ଛାଡିଲେ, ଏବେ ଫୁଲ ଧରିଲେ ଭୁବନେଶ୍ବର କର୍ପୋରେଟର

ସକାଳେ ବିଜେଡି ଛାଡ଼ିଲେ କର୍ପୋରଟର । ଆଉ ଏବେ ବିଜେପି ଶିବିରେ ବିଧିବଦ୍ଧ ଭାବେ ଫୁଲ ଧରିଛନ୍ତି ଭୁବନେଶ୍ୱର ୩୭ ନମ୍ୱର ୱାର୍ଡର କର୍ପୋରେଟର ବନ୍ଦିତା ପାଲ ଓ ତାଙ୍କ ସ୍ୱାମୀ ଅର୍ଜୁନ ବେହେରା । ଶୁକ୍ରବାର ସକାଳେ ବନ୍ଦିତା ଏବଂ ତାଙ୍କ ସ୍ବାମୀ ବିଜେଡିରୁ ଇସ୍ତଫା ଦେଇଥିଲେ । ଭାଜପା ସଭାପତି ମନମୋହନ ସାମଲଙ୍କ ଉପସ୍ଥିତିରେ ସେ ଭାଜପାରେ ସାମିଲ୍‌ ହୋଇଛନ୍ତି । ସ୍ୱାଧୀନ ଭାବେ ବିଜୟୀ ହେବା ପରେ ବିଜେଡିରେ ସାମିଲ ହୋଇଥିଲେ ବନ୍ଦିତା । ଆଜି ରାଜନୈତିକ କାରଣ ଦର୍ଶାଇ ଇସ୍ତଫା ଦେଇଥିଲେ ବନ୍ଦିତା ପାଲ । ବିଜେପିରେ ଯୋଗ ଦେବାକ୍ଷଣେ ସିଧାସଳଖ ଭାବେ ଟାର୍ଗେଟ୍ କରିଛନ୍ତି ବିଧାୟକ ଅନନ୍ତ ଜେନାଙ୍କୁ । ବିଜେଡିରେ ତାଙ୍କୁ ଲୋକଙ୍କ ପାଇଁ କାମ କରିବାକୁ ସୁଯୋଗ ମିଳୁନଥିବା ସେ କହିଛନ୍ତି ।