ସ୍କୁଲ ପୋଷାକ ଯୋଗାଇବାରେ ଚଞ୍ଚକତା, ବିଡିଓଙ୍କ ଦ୍ୱାରସ୍ଥ ହେଲେ ମହିଳା ଗୋଷ୍ଠୀ…

ବେଗୁନିଆପଡା, (ଏଫ୍ଟୁଏସ୍/ ବାପୁନି କୁମାର ମାଲୁ) : ମହିଳାମାନଙ୍କୁ ସଶକ୍ତ କରିବା, ଅର୍ଥନୈତିକ କ୍ଷେତ୍ରରେ ସ୍ୱାବଲମ୍ବୀ କରିବା ସହ ମୁଖ୍ୟ ସ୍ରୋତରେ ସାମିଲ କରିବା ଉଦେଶ୍ୟରେ ସରକାର ଅନେକ ଯୋଜନା କରିଛନ୍ତି । ବର୍ତମାନ ପ୍ରତ୍ୟେକ ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ପୋଷାକ ଯୋଗାଇବା ପାଇଁ ମହିଳା ଗ୍ରୁପମାନଙ୍କୁ ଅଗ୍ରାଧିକାର ଦେବାପାଇଁ ସରକାର ନିର୍ଦେଶ ଦେଇଛନ୍ତି । ତେବେ ବେଗୁନିଆପଡା ବ୍ଲକ ମିଶନ ଶକ୍ତି ବିଭାଗ ପକ୍ଷରୁ ଚଞ୍ଚକତା କରିଥିବା ଜଣାପଡିିବା ପରେ ବ୍ଲକର ଅନେକ ମହିଳା ବ୍ଲକକୁ ଆସି ବିଡ଼ିଓ ପ୍ରଜ୍ଞା ପ୍ରିୟଦର୍ଶିନୀଙ୍କୁ ଏକ ଅଭିଯୋଗ ପତ୍ର ପ୍ରଦାନ କରିଛନ୍ତି । ସେମାନଙ୍କ ଅଭିଯୋଗ ହେଲା ବେଗୁନିଆପଡା ବ୍ଲକରେ ମହିଳା ଗ୍ରୁପଙ୍କୁ ପୋଷାକ ଯୋଗାଇବା ପାଇଁ ଦାୟିତ୍ୱ ନ ଦେଇ ଅନ୍ୟ ବ୍ଲକର ମହିଳା ଗ୍ରୁପକୁ ଚଞ୍ଚକତା କରି ଦେବା ପାଇଁ ଯୋଜନା ହେଉଛି । ଏଣୁ ଏହାକୁ ତୁରନ୍ତ ବନ୍ଦ କରି ବେଗୁନିଆପଡା ବ୍ଲକର ଯେକୌଣସି ଗ୍ରୁପକୁ ଏହି ଦାୟିତ୍ୱ ଦିଆଯାଉ । ଅଭିଯୋଗ ପରେ ବିଡ଼ିଓ ମହୋଦୟା ବିପିସି ଦିଲ୍ଲୀପ କୁମାର ବେହେରାଙ୍କୁ ଡାକି ଏହି ବିଷୟରେ ଆଲୋଚନା କରିବା ସହ ବ୍ଲକର ଗ୍ରୁପମାନଙ୍କୁ ଯେପରି ପୋଷାକ ଯୋଗାଇବା ଦାୟିତ୍ୱ ଦିଆଯିବ ତାର ବ୍ୟବସ୍ଥା କରିବା ପାଇଁ ନିର୍ଦେଶ ଦେଇଥିଲେ ।