ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଚେତିଲେ କର୍ତ୍ତୁପକ୍ଷ…
ଗଜପତି : ବିଭିନ୍ନ ଗଣମାଧ୍ୟମରେ ଖବର ପ୍ରସାରଣ ପରେ ପାରଳାଖେମୁଣ୍ଡି ସଂସ୍କୃତ ମହାବିଦ୍ୟାଳୟ ଛାତ୍ରାବାସରେ ଜଳିଲା ଆଲୁଅ । ଦୀର୍ଘ ୩ ବର୍ଷ ହେଲା ବିନା ବିଦ୍ୟୁତରେ ଜୀବନ କାଟୁଥିଲେ ଛାତ୍ର । ବକେୟା ବିଦ୍ୟୁତ୍ ବିଲ ପାଇଁ ଦୀର୍ଘ ତିନି ବର୍ଷ ହେଲା ଛାତ୍ରାବାସରେ ଛାତ୍ରମାନେ ମୋବାଇଲ ଲାଇଟ, ମହମବତୀ ଲଗାଇ ପାଠ ପଢୁଥିଲେ । ଏ ନେଇ କଲେଜ ପକ୍ଷରୁ ବାରମ୍ବାର ଗୁହାରୀ ହେଉଥିଲେ ସୁଦ୍ଧା କାର୍ଯ୍ୟାନୁଷ୍ଠାନ ଗ୍ରହଣ ହେଉନଥିଲା । ପରେ ବିଭିନ୍ନ ଗଣମାଧ୍ୟମରେ ଖବର ପ୍ରସାରଣ ପରେ ହଷ୍ଟେଲର ଛାତ୍ରାବାସରେ ବିଦ୍ୟୁତ ସଂଯୋଗ କରାଯାଇଥିବା ନେଇ ସୂଚନା ଦେଇଛନ୍ତି କଲେଜ ଅଧ୍ୟକ୍ଷ ।
ସୂଚନା ଅନୁସାରେ, କୋଭିଡି ମହାମାରୀ ସମୟରେ ସଂସ୍କୃତ ମହା ବିଦ୍ୟାଳୟର ଛାତ୍ରାବାସକୁ କ୍ୱାରେଣ୍ଟାଇନ ସେଣ୍ଟର ଭାବରେ ପୌରପାଳିକା ପକ୍ଷରୁ ବ୍ୟବହାର କରାଯାଇଥିଲା । ସେହି ସମୟରେ ପୌରପାଳିକା ବକେୟା ବିଦ୍ୟୁତ ବିଲ୍ ପୈଠ ନ କରିବାରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯାଇଥିଲା । ବର୍ତ୍ତମାନ ବିଦ୍ୟୁତ ସଂଯୋଗ ପରେ ଛାତ୍ରାବାସର ଛାତ୍ରମାନେ ନିଜର ଖୁସିବ୍ୟକ୍ତ କରିଛନ୍ତି ।
ଗଜପତିରୁ ବିବେକାନନ୍ଦ ବେହେରା
