ଜିଲ୍ଲାରେ କାର୍ଯ୍ୟରତ କର୍ମଚାରୀ ଓ କ୍ଷେତ୍ର କର୍ମଚାରୀଙ୍କ ବଦଳି ସମୟ କେତେ ବର୍ଷ ?

ଗଜପତି, (ଏଫ୍ ଟୁ ଏସ୍ /ବିବେକାନନ୍ଦ ବେହେରା) : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିରେ ଥିବା ଜଳଛାୟା ପ୍ରକଳ୍ପ ନିଦେ୍ର୍ଦଶକଙ୍କ କାର୍ଯ୍ୟାଳୟ ତଥା ମୃତ୍ତିକା ସଂରକ୍ଷଣ ବିଭାଗରେ କାର୍ଯ୍ୟରତ କର୍ମଚାରୀଙ୍କ ବଦଳି କେବେ ? ଏ ପ୍ରଶ୍ନ କରିଛନ୍ତି ଜନସାଧାରଣ ତଥା ବୁଦ୍ଧିଜୀବୀ । ଉଭୟ ବିଭାଗରେ ଦୀର୍ଘ ଦଶବର୍ଷରୁ ଉର୍ଦ୍ଧ୍ୱ ସମୟ ଧରି କାର୍ଯ୍ୟରତ କର୍ମଚାରୀଙ୍କୁ ଅନ୍ୟତ୍ର ବଦଳି ହେଉନଥିବା ଅଭିଯୋଗ ହୋଇଛି । ସରକାରଙ୍କ ନିୟମ ଅନୁସାରେ ପ୍ରତି ତିନି ବର୍ଷରେ କାର୍ଯ୍ୟରତ କର୍ମଚାରୀ ଓ କ୍ଷେତ୍ର କର୍ମଚାରୀଙ୍କ ବଦଳି ହେବାର ନିୟମ ରହିଛି । ତେବେ ଏହି ବିଭାଗମାନଙ୍କରେ କାହିଁକି ବଦଳି ହେଉନାହିଁ ବୋଲି ପ୍ରଶ୍ନ କରିଛନ୍ତି ଜନସାଧାରଣ ।

ଅପରପକ୍ଷେ ଜିଲ୍ଲା ପ୍ରଶାସନ ଏବଂ ବିଭାଗୀୟ ଅଧିକାରୀଙ୍କ ମିଲିଭଗତରେ ବୁଝାମଣା ସଦୃଶ ଏହି ବଦଳି ହେଉନଥିବା ଅଭିଯୋଗ ହେଉଛି । ଏ ଦିଗରେ ପ୍ରଶାସନର ସ୍ୱଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ବର୍ତ୍ତମାନ ନୂତନ ସରକାର ଆସିଛି । ତେଣୁ ନୂଆ ସରକାର କୌଣସି ବେଆଇନ କାମକୁ ପ୍ରଶ୍ରୟ ଦେବ ନାହିଁ ବୋଲି ବିଶ୍ୱାସ କରି ତୁରନ୍ତ ଉଭୟ ବିଭାଗର ଅଧିକାରୀଙ୍କୁ ବଦଳି କରିଲେ ଜିଲ୍ଲାର ବିକାଶ ହୋଇପାରିବ ବୋଲି ମତ ରଖିଛନ୍ତି ।