ଗଜପତି ପୁଲିସକୁ ସଫଳତା, ଲୁଟ୍ ହୋଇଥିବା ୫ କିଲୋ ରୂପା ଗହଣା ଉଦ୍ଧାର, ଦୁଇ ଅଭଯୁକ୍ତ ଗିରଫ…

ଗଜପତି, (ଏଫ୍ଟୁଏସ୍/ବିବେକାନନ୍ଦ ବେହେରା) : ଗଜପତି ଜିଲ୍ଲା ଆର୍.ଉଦୟଗିରି ଥାନା ଗଡ଼ର ଗାଁ ରାସ୍ତାରୁ ରୂପା ଗହଣା ଚୋରି ଘଟଣାରେ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ଉଦୟଗିରି ପୁଲିସ୍ । ସେମାନଙ୍କଠାରୁ ୫ କେଜି ରୂପା ଓ ଗୋଟିଏ ବାଇକ ଜବତ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଗଜପତି ଏସପି ସ୍ଵାତି ଏସ୍ କୁମାର । ଏସପିଙ୍କ ସୂଚନା ପ୍ରକାରେ ଗତ ୧୦ ତାରିଖ ଦିନ ସକାଳ ପ୍ରାୟ ସାଢେ ୭ ଟାରେ ମୋହନା ଥାନା ଚନ୍ଦ୍ରଗିରିର ସନ୍ତୋଷ ମହାପାତ୍ର ଗୋଟିଏ ବାଇକରେ ରୂପା ଗହଣା ବିକ୍ରି ପାଇଁ ଛେଲାଗଡ ଅଞ୍ଚଳକୁ ଯାଉଥିଲେ । ଏହି ସମୟରେ ଗଡ଼ର ଗାଁ ନିକଟରେ ୨ ଜଣ ଯୁବକ ତାଙ୍କୁ ଅଟକାଇ ତାଙ୍କ ପାଖରେ ଥିବା ରୂପା ଗହଣା ବ୍ୟାଗ ଛଡାଇ ନେଇ ଫେରାର ହୋଇଯାଇଥିଲେ । ଏ ନେଇ ସନ୍ତୋଷ ଆର୍.ଉଦୟଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ପୁଲିସ୍ ତଦନ୍ତ ଜାରି ରଖିଥିଲେ । ଶେଷରେ ପୁଲିସକୁ ସଫଳତା ମିଳିଛି । ଅପରପକ୍ଷେ ସନ୍ତୋଷ ସମସ୍ତ ରୂପା ଗହଣା ପାଇ ବେଶ୍ ଖୁସି ଅନୁଭବ କରିବା ସହ ପୁଲିସ୍ ଅଧିକାରୀଙ୍କୁ ଅଶେଷ ଅଶେଷ ଧନ୍ୟବାଦ ଦେଇଛନ୍ତି ।