ବେଗୁନିଆପଡା ମା ନାରାୟଣୀ ମନ୍ଦିର ପରିସରରେ ଗାଁ ସାଥି ସଂଘର ବୈଠକ…

ଗଞ୍ଜାମ, ୨୪/୦୬ : ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକର ଗାଁ ସାଥି ସଂଘର ସଭାପତି ରବୀନ୍ଦ୍ର ନାଥ ଗୌଡ଼ଙ୍କ ତତ୍ୱାବଧାନରେ ବେଗୁନିଆପଡା ସ୍ଥିତ ମା ନାରାୟଣୀ ମନ୍ଦିର ପରିସରରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ଅବସରରେ ସଂଘର ବିଭିନ୍ନ ସୁବିଧା ଅସୁବିଧା ବିଷୟରେ ଆଲୋଚନା କରାଯାଇଥିଲା । କେତେକ ଗାଁ ସାଥି ଅଭିଯୋଗ କରିଥିଲେ କି ଦୀର୍ଘ ଦିନ ହେଲା କାମ କରିଥିଲେ ମଧ୍ୟ ସେମାନଙ୍କ ପାରିଶ୍ରମିକ ମିଳିନାହିଁ । ଏ ନେଇ ଆସନ୍ତା ଶୁକ୍ରବାର ଦିନ ବେଗୁନିଆପଡା ବିଡ଼ିଓ ପ୍ରଜ୍ଞା ପ୍ରିୟଦର୍ଶିନୀଙ୍କୁ ଭେଟି ଏ ବିଷୟରେ ଆଲୋଚନା କରିବା ପାଇଁ ନିଷ୍ପତି ହୋଇଥିଲା । ଆଗାମୀ ଦିନରେ ସଂଘକୁ ମଜଭୂତ କରିବା ସହ କୌଣସି ଅସୁବିଧା ହେଲେ ଆଲୋଚନା କରି ସମାଧାନ କରିବା ପାଇଁ ଚେଷ୍ଟା କରିବାକୁ ସମ୍ପାଦକ ଚରଣ ନାୟକ କହିଥିଲେ । ଏଥିରେ ସମସ୍ତ ଗାଁ ସାଥି ମାନେ ଉପସ୍ଥିତ ଥିଲେ ।