ସରକାର ବଦଳିବାରୁ ଗରିବଙ୍କ ଅଭିଯୋଗ ଶୁଣୁନାହାନ୍ତି ଜିଲ୍ଲାପାଳ…

କନ୍ଧମାଳ, ୬/୧୦ : ରାଜ୍ୟରେ ସରକାର ବଦଳିବା ସହିତ ସରକାରୀ କାର୍ଯ୍ୟାଳୟମାନଙ୍କରେ ନିୟମ ବଦଳୁଥିବା ଦେଖିବାକୁ ମିଳୁଛି । ଏଭଳି ଦୃଶ୍ୟ ଦେଖିବାକୁ ମିଳିଛି କନ୍ଧମାଳ ଜିଲ୍ଲାରେ । ଜିଲ୍ଲାର ଫିରିଙ୍ଗିଆ ବ୍ଲକର ଗରିବ ଶ୍ରେଣୀର ଲୋକ ହେଉଛନ୍ତି ରାଜୀବ ଦିଗାଲ । ବାଇକ୍ ଦୁର୍ଘଟଣାରେ ରାଜୀବଙ୍କ ଗୋଡ଼ ଭାଙ୍ଗି ଯାଇଥିବାବେଳେ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଏ ନେଇ ରାଜୀବ କନ୍ଧମାଳ ଜିଲ୍ଲାପାଳ ଆଶିଷ ଈଶ୍ୱର ପଟେଲଙ୍କ ନିକଟକୁ ଯାଇ ଆର୍ଥôକ ସହାୟତା ନିମନ୍ତେ ଲିଖିତ ଅଭିଯୋଗ ଦେଇଥିଲେ । ଜିଲ୍ଲାପାଳ ତାଙ୍କୁ ନିର୍ବାଚନ ପରେ ଦେଖା କରିବାକୁ ମଧ୍ୟ କହିଥିଲେ । ନିର୍ବାଚନ ସରି ଫଳାଫଳ ବାହାରିବା ପରେ ଜିଲ୍ଲାପାଳଙ୍କ କହିବା ଅନୁଯାଇ ରାଜୀବ ଜିଲ୍ଲାପାଳଙ୍କୁ ଦେଖା କରିବାରୁ ଅଧିକ ଦିନ ହେଇଗଲାଣି କହି ଅର୍ଥ ସହାୟତା ଦେଇ ହେବନି କହି ଜିଲ୍ଲାପାଳ ତାଙ୍କୁ ସିଧା ମନା କରିଥିବା କହିଛନ୍ତି ରୋଗୀ ଓ ତାଙ୍କ ପରିବାର ଲୋକେ । ଏଠି ପ୍ରଶ୍ନ ଉଠୁଛି କି ଯଦି ଜିଲ୍ଲାପାଳ ନିଜେ ଗରିବ ଜନ ସାଧାରଣଙ୍କୁ ଏଭଳି ହଇରାଣ କରିବେ ତ ଅନ୍ୟ କର୍ମଚାରୀମାନେ କଣ ନ କରିବେ । ଅପରପକ୍ଷେ ରାଜୀବଙ୍କ ଦୁଃଖ ଶୁଣି ପ୍ରିହମ୍ ଚାରିଟେବୁଲ୍ ଟ୍ରଷ୍ଟର ଅଧ୍ୟକ୍ଷ କୁନା ଦିଗାଲ ଏବଂ କିଛି ସମାଜସେବୀ ତାଙ୍କୁ ସହଯୋଗର ହାତ ବଢ଼େଇଥିବା ଦେଖିବାକୁ ମିଳିଛି । ତେବେ ସରକାର ବଦଳିବାରୁ ଜିଲ୍ଲାପାଳ ଗରିବଙ୍କ ଦୁଃଖ ଶୁଣୁନଥିବା କଥା ପ୍ରଘଟ ହେବା ପରେ ଏ ନେଇ କନ୍ଧମାଳର ବୁଦ୍ଧିଜୀବୀମାନେ ଘଟଣାକୁ ନିନ୍ଦା କରିବା ସହିତ ଦୁଃଖ ପ୍ରକାଶ କରିଛନ୍ତି ।