ଗଜପତିରେ ମାଟ୍ରିକ ପାସ ହାର ୯୭.୦୮ ପ୍ରତିଶତ…

ଗଜପତି, ୨୭/୦୫ : ଗଜପତି ଜିଲ୍ଲାରେ ଚଳିତ ବର୍ଷ ମାଟ୍ରିକ ପାସ ହାର ୯୭.୦୮ ପ୍ରତିଶତ ହୋଇଥିବା ନେଇ ସୂଚନା ଦେଇଛନ୍ତି ଜିଲ୍ଲା ଶିକ୍ଷା ଅଧିକାରୀ । ଜିଲ୍ଲାର ୮୨୩୫ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ବେଳେ ୭୯୯୫ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ଏ୧ ରେ ଜଣେ, ଏ୨ ରେ ୧୩୭ ଜଣ, ବି୧ ରେ ୧୬୦୪, ବି୨ ରେ ୨୩୩୯, ସି ରେ ୨୩୪୧, ଡି ରେ ୧୧୩୯, ଇ ରେ ୪୩୪ ଜଣ ଉତ୍ତୀର୍ଣ୍ଣ ହୋଇଛନ୍ତି । ଅପରପକ୍ଷେ ପରୀକ୍ଷାରେ ୨୪୦ ଜଣ ଫେଲ ହୋଇଥିବା ନେଇ ସୂଚନା ମିଳିଛି । ସେହିପରି ଏସ୍.ଓ.ଏସ୍.ସି ରେ ୨୩୦ ଜଣ ପରୀକ୍ଷା ଦେଇଥିବାବେଳେ ୨୧୧ ଜଣ ପାସ ହୋଇଛନ୍ତି । ଏଥିରେ ପାସ ହାର ୯୧.୭% ପ୍ରତିଶତ ହୋଇଛି । ବି୨ ଜଣେ, ସି ରେ ୨୩ ଜଣ, ଡି ରେ ୧୩୧, ଇ ରେ ୫୬ ଜଣ ଓ ୧୯ ଜଣ ଫେଲ ହୋଇଛନ୍ତି । ଜିଲ୍ଲାର ୯୬.୨୪ ପ୍ରତିଶତ ଛାତ୍ର ପାସ ହାର ରହିଥିବା ବେଳେ ୯୭. ୯୨ ପ୍ରତିଶତ ଛାତ୍ରୀଙ୍କ ପାସ ହାର ରହିଥିବା ଜିଲ୍ଲା ଶିକ୍ଷା ବିଭାଗ ପକ୍ଷରୁ ଜଣା ପଡ଼ିଛି । ଗଜପତିରେ ମାଟ୍ରିକ ଫଳାଫଳରେ ପାରଳାଖେମୁଣ୍ଡି ସରସ୍ୱତୀ ଶିଶୁ ବିଦ୍ୟା ମନ୍ଦିର ବିଦ୍ୟାଳୟର ଛାତ୍ର ସୁଶୋଭନ ପାତ୍ର ୬୦୦ ରୁ ୫୫୨ ମାର୍କ ରଖି ୯୨ ପ୍ରତିଶତ ଆଣି ଜିଲ୍ଲାରେ ଟପ୍ପର ହୋଇଛନ୍ତି ।
ରିପୋର୍ଟ : ଗଜପତିରୁ ବିବେକାନନ୍ଦ ବେହେରା