ଭୋଟ ଭିକ୍ଷା କଲେ ଡ୍ରିମଗାର୍ଲ ହେମାମାଲିନୀ…

ସାଲେପୁର, ୧୮/୫ : କଟକ ସଦର ନିର୍ବାଚନ ମଣ୍ଡଳୀ କିଶନନଗରରେ ବିଜେପି ବିଧାୟକ ପ୍ରାର୍ଥୀ ପ୍ରକାଶ ଚନ୍ଦ୍ର ସେଠୀଙ୍କ ନିର୍ବାଚନ ରାଲିରେ ସାଂସଦ ତଥା ବଲିଉଡର ପ୍ରଖ୍ୟାତ ଅଭିନେତ୍ରୀ ହେମାମାଳିନୀ ଯୋଗ ଦେଇଥିଲେ । ଏହି ରାଲିରେ ରାଜସ୍ଥାନର ମନ୍ତ୍ରୀ ଅବିନାଶ ଗେହେଲଟ ଯୋଗ ଦେଇ ବିଜେପି ବିଧାୟକ ପ୍ରାର୍ଥୀ ପ୍ରକାଶ ସେଠୀଙ୍କୁ ବିପୁଳ ମାତ୍ରାରେ ଭୋଟ ଦେଇ ବିଜୟୀ କରିବାକୁ ନିବେଦନ କରିଥିଲେ । ହେମାଙ୍କ ରାଲି ହୁଲିପୁରରୁ ଆରମ୍ଭ ହୋଇ ରାମଚନ୍ଦ୍ରପୁର ଓ କିଶନନଗର ବଜାର ହୋଇ ହାଇସ୍କୁଲ ପଡିଆ ସ୍ଥିତ ସଭାସ୍ଥଳକୁ ଆସିଥିଲା । ଆୟୋଜିତ ସଭାରେ ମନ୍ତ୍ରୀ ଅବିନାଶ ଗେହେଲଟ, ପ୍ରାର୍ଥୀ ଶ୍ରୀ ସେଠୀଙ୍କୁ ପଦ୍ମଫୁଲରେ ଭୋଟ ଦେଇ ବିଜୟୀ କରିବାକୁ ନିବେଦନ କରିଥିଲେ ।