ସଫଳତାର ମୂଳମନ୍ତ୍ର ହେଉଛି ସଠିକ୍ ପଦକ୍ଷେପ, ଅଭିଜ୍ଞତା ଏବଂ ଆତ୍ମବିଶ୍ୱାସ…

ଏକ୍ସଆଇଏମ୍ ବିଶ୍ୱବିଦ୍ୟାଳୟର ଅଷ୍ଟମ ସମାବର୍ତ୍ତନ ଉତ୍ସବ
ଭୁବନେଶ୍ୱର, ୨୯/୪ : ଭୁବନେଶ୍ୱରସ୍ଥିତ ଏକ୍ସଆଇଏମ୍ ବିଶ୍ୱବିଦ୍ୟାଳୟର ଅଷ୍ଟମ ସମାବର୍ତ୍ତନ ଉତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ୪୨୧ ଜଣ ସ୍ନାତକୋତ୍ତର ଛାତ୍ରଛାତ୍ରୀଙ୍କୁ ନିଜ ନିଜ ବିଭାଗରେ ଡିଗ୍ରୀ ପ୍ରଦାନ କରାଯାଇଥିଲା । ସ୍ନାତକୋତ୍ତର ସମାବର୍ତ୍ତନ ସମାରୋହ ବିଶ୍ୱବିଦ୍ୟାଳୟର ପ୍ରତ୍ୟେକ ଛାତ୍ରଙ୍କ ଶିକ୍ଷାଗତ ଯାତ୍ରାରେ ଏକ ଶୀର୍ଷ ମୁହୂର୍ତ୍ତ ଭାବରେ ଠିଆ ହୋଇଛି । ବର୍ଷ ବର୍ଷର କଠିନ ପରିଶ୍ରମ, ନିଷ୍ଠା ଓ ସଫଳତାର ଏହା ଏକ ଉତ୍ସବ । ଶିକ୍ଷାଗତ ଉକôର୍ଷତା, ନୈତିକ ନେତୃତ୍ୱ ଏବଂ ସାମାଜିକ ଦାୟିତ୍ୱବୋଧକୁ ପ୍ରୋତ୍ସାହିତ କରିବା ପାଇଁ ସମର୍ପିତ ଏକ ଅଗ୍ରଣୀ ଅନୁଷ୍ଠାନ ଭାବରେ ଭୁବନେଶ୍ୱରସ୍ଥିତ ଏକ୍ସଆଇଏମ୍ ବିଶ୍ୱବିଦ୍ୟାଳୟ ଉଭା ହୋଇଛି । ଚଳିତ ବର୍ଷ ବିଶ୍ୱବିଦ୍ୟାଳୟ ମୁଖ୍ୟ ଅତିଥି ଏବଂ ସମାବର୍ତ୍ତନ ବକ୍ତା ଭାବରେ ତାଙ୍କ ଅଭିନବ ସମାଧାନ ଏବଂ ସାମାଜିକ ପରିବର୍ତ୍ତନ ପ୍ରତି ସମର୍ପଣ ପାଇଁ ପ୍ରସିଦ୍ଧ ଦୂରଦର୍ଶୀ ଭାରତୀୟ ବ୍ୟକ୍ତିତ୍ୱ ଶ୍ରୀ ସୋନମ ୱାଙ୍ଗଚୁକ୍ ଯୋଗ ଦେଇଥିଲେ । ଜଣେ ମେକାନିକାଲ ଇଞ୍ଜିନିୟର ଭାବରେ ତାଲିମପ୍ରାପ୍ତ ଶ୍ରୀ ୱାଙ୍ଗଚୁକ୍ ଗତ ତିନି ଦଶନ୍ଧି ଧରି ଶିକ୍ଷା ସଂସ୍କାର ପାଇଁ ଉତ୍ସର୍ଗୀକୃତ । ସେ ଜଣେ ଭାରତୀୟ ଇଞ୍ଜିନିୟର, ଉଦ୍ୟୋଗୀ ଭାବରେ ଠିଆ ହୋଇଛନ୍ତି ଏବଂ ଶିକ୍ଷାରେ ପରିବର୍ତନ ଆଣିବା ପାଇଁ ସମର୍ଥନ କରୁଛନ୍ତି । ସେ ହିମାଳୟ ଇନଷ୍ଟିଚ୍ୟୁଟ୍ ଅଫ୍ ଅଲଟରନେଟିଭସ, ଲଦାଖ (ଏଚଆଇଏଏଲ)ର ପ୍ରତିଷ୍ଠାତା । ୧୯୮୮ ମସିହାରେ, ସେ ତାଙ୍କ ସାଥୀମାନଙ୍କ ସହ ମିଶି ଲଦାଖୀ ପିଲା ଏବଂ ଯୁବକମାନଙ୍କୁ, ବିଶେଷକରି ଶିକ୍ଷାଗତ ଅନଗ୍ରସର ଭାବରେ ନାମିତ, ପ୍ରଶିକ୍ଷଣ ଏବଂ ଶିକ୍ଷାସୁଯୋଗ ପ୍ରଦାନ କରି ସହାୟତା ପ୍ରଦାନ କରିବା ଉଦେ୍ଦଶ୍ୟରେ ଲଦାଖର ଛାତ୍ର ଶିକ୍ଷା ଏବଂ ସାଂସ୍କୃତିକ ଆନେ୍ଦାଳନ (ଏସଇସିଏମଓଏଲ) ପ୍ରତିଷ୍ଠା କରିଥିଲେ । ଏକ ସଫଳ ଏବଂ ଉଦେ୍ଦଶ୍ୟମୂଳକ ଜୀବନର ତିନୋଟି ସ୍ତମ୍ଭ ହେଉଛି କ୍ୟୁରିଓସିଟି, ସହାନୁଭୂତି ଏବଂ ସ୍ପିରିଟ୍ ଅଫ୍ ଇନିସିଏଟିଭ୍ । ସେ ଭାଷଣକୁ ଅତ୍ୟନ୍ତ ପ୍ରେରଣାଦାୟକ ଭାବରେ ଶେଷ କରିଥିଲେ: ପଦକ୍ଷେପ ନିଅନ୍ତୁ, ଅଭିଜ୍ଞତା ହାସଲ କରନ୍ତୁ, ଏହା ଅଧିକ ଆତ୍ମବିଶ୍ୱାସ ଆଣିଥାଏ ଏବଂ ଶେଷରେ ସଫଳତା ଆଣିଥାଏ । ଏହି କାର୍ଯ୍ୟକ୍ରମରେ ଏଚଆଇଏଏଲର ସହ ପ୍ରତିଷ୍ଠାତା, ସିଇଓ ଏବଂ ଡିନ୍ ଗୀତାଞ୍ଜଳି ଜେବି ମଧ୍ୟ ଉପସ୍ଥିତ ଥିଲେ । ସେ ୧୯୯୬ ବ୍ୟାଚର ଭୁବନେଶ୍ୱରସ୍ଥିତ ଜାଭିୟର ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟର ପୂର୍ବତନ ଛାତ୍ର ।
ଅନ୍ୟମାନଙ୍କ ମଧ୍ୟରେ ଏକ୍ସଆଇଏମ ବିଶ୍ୱବିଦ୍ୟାଳୟର କୁଳପତି ଫାଦର ଆଣ୍ଟୋନି ଆର ଉଭାରୀ, ରେଜିଷ୍ଟ୍ରାର ଫାଦର ଏସ ଆଣ୍ଟୋନିରାଜ ଏସଜେ, ଏକ୍ସଆଇଏମ ବିଶ୍ୱବିଦ୍ୟାଳୟର ମୁଖ୍ୟ ଅର୍ଥ ଅଧିକାରୀ ଫାଦର ଭି ଅରକିଆ ଦାସ, କାର୍ଯ୍ୟକାରୀ ପରୀକ୍ଷା ନିୟନ୍ତ୍ରକ ପ୍ରଫେସର ଆଣ୍ଡ୍ରିୟୁ ଦତ୍ତ, ବିଭିନ୍ନ ବିଦ୍ୟାଳୟର ଡିନ୍ ଏବଂ ଏକାଦଶ ବିଶ୍ୱବିଦ୍ୟାଳୟର ଅଧିକାରୀମାନେ ଉପସ୍ଥିତ ଥିଲେ । ସ୍କୁଲ ଅଫ୍ ସଷ୍ଟେନେବିଲିଟିର ଡିନ୍ ପ୍ରଫେସର ସୁତାପା ପତି ସମସ୍ତ ଛାତ୍ରଛାତ୍ରୀ, ଅଭିଭାବକଙ୍କୁ ସ୍ୱାଗତ କରିଥିଲେ ।