ଗଜପତିରେ ବିଜେପି ପକ୍ଷରୁ ମିଶ୍ରଣ ପର୍ବ…

ଗଜପତି, ୧୫/୪ : ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ଜିଲ୍ଲା ବିଜେପି କାର୍ଯ୍ୟାଳୟଠାରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଅଛି । ଜିଲ୍ଲା ସଭାପତି ତଥା ବିଧାୟକ କେ ନାରାୟଣ ରାଓଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ କାଶୀନଗର ବ୍ଲକ୍ ଶିଆଳୀ ପଂଚାୟତର ବହୁ ଅନ୍ୟ ଦଳର କର୍ମୀ ଓ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଦର୍ଶରେ ଅନୁପ୍ରାଣିତ ହୋଇ ସ୍ଥାନୀୟ ବିଧାୟକଙ୍କ ନେତୃତ୍ୱରେ ବିଜେପିରେ ସାମିଲ ହୋଇଛନ୍ତି । କାଶୀନଗର ବ୍ଲକ୍ ଶିଆଳୀ ପଞ୍ଚାୟତର ସମିତି ସଭ୍ୟ କେ. ସୋମେଶ, ୱାର୍ଡ ମେମ୍ବର ଶାନ୍ତି ଶବର ଓ ଏହି ପଂଚାୟତ ଅନ୍ତର୍ଗତ କେ.ଗୋପୀନାଥ ପେଟା, ପେଦାମାଡି, ଚନ୍ଦ୍ରଣିପେଟା ଆଦି ଗାଁର ପ୍ରାୟ ୪୫ ଗୋଟି ପରିବାର ବିଜେପି ଦଳରେ ସାମିଲ ହୋଇଛନ୍ତି । ସେମାନଙ୍କୁ ଦଳୀୟ ଉତ୍ତରୀୟ ଦେଇ ବିଧାୟକ ଦଳକୁ ସ୍ୱାଗତ ଜଣାଇଥିଲେ । ଏମାନଙ୍କ ମିଶ୍ରଣ ଆଗମୀ ଦିନରେ ଦଳକୁ କାଶୀନଗର ବ୍ଲକରେ ଆହୁରି ସୁଦୃଢ କରିବ ଓ ଏହି ପଂଚାୟତ ବିଭିନ୍ନ ସମସ୍ୟା ଆଗମୀ ସମାଧାନ କରାଯିବ ବୋଲି ବିଧାୟକ କହିଛନ୍ତି । ସେହିପରି ସମିତି ସଭ୍ୟ କେ. ସୋମେଶ ବିନା କୌଣସ ଲୋଭରେ ମୋଦୀଙ୍କ ଆଦର୍ଶରେ ଦଳକୁ ଆସିଥିବା କହିଛନ୍ତି । ମିଶ୍ରଣ ପର୍ବରେ କାଶୀନଗର ବ୍ଲକର ସମସ୍ତ ଦଳୀୟ ବରିଷ୍ଠ ନେତା, ମଣ୍ଡଳ ପଦାଧିକାରୀ ଉପସ୍ଥିତ ଥିଲେ ବୋଲି ଗଜପତି ଜିଲ୍ଲା ବଜେପି ପକ୍ଷରୁ ଗଣମାଧ୍ୟମକୁ ସୂଚନା ଦିଆଯାଇଛି ।

ରିପୋର୍ଟ : ବିବେକାନନ୍ଦ ବେହେରା