ନୀଳଗିରିରେ ଚାଲିଛି ମାଫିଆ ରାଜ୍, ପଦକ୍ଷେପ ପାଇଁ ପ୍ରଶାସନକୁ ଗୁହାରୀ

ନୀଳଗିରି : ବ୍ଳାଷ୍ଟିଙ୍ଗ ପ୍ରତିବାଦରେ ଥାନାରେ ଅଭିଯୋଗ କଲେ ଗ୍ରାମବାସୀ । ବାଲେଶ୍ବର ଜିଲ୍ଲା ନୀଳଗିରି ତହସିଲ ଅଞ୍ଚଳରେ ବେଆଇନ ପଥର ଖାଦାନରେ ଚାଲିଛି ବେଧଡ଼କ ପଥର ଚୋରି ସାଙ୍ଗକୁ ବେଆଇନ ପଥର ବ୍ଳାଷ୍ଟିଙ୍ଗ । ବ୍ଳାଷ୍ଟିଙ୍ଗ ଯୋଗୁଁ ଦେଢ଼ କିଲୋମିଟର ବ୍ୟାସାର୍ଦ୍ଧ ଭିତରେ ଅଧିକାଂଶ ପକା ଘରର କାନ୍ଥ ସବୁ ଫାଟି ଗଲାଣି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲା ନୀଳଗିରି ତହସିଲ୍ ଅଧୀନ ଜାମୁଡିହl ମୌଜାର ବାଘମରା  ଗ୍ରାମରେ । ପଥରେ ଖାଦାନ ହେଉ କି ବାଲି ଖାଦାନ । ଏହା ଉପରେ ରାଜସ୍ଵ ବିଭାଗର ଆଉ ଅଧିକାର ନ ଥିବାବେଳେ ଏସବୁ ଦାୟିତ୍ୱ ନେଇଛି ମାଇନ୍ସ ବିଭାଗ । ତେବେ ମାଇନ୍ସ ବିଭାଗ ପକ୍ଷରୁ ଏ ନେଇ କୌଣସି ପଦକ୍ଷେପ ନିଆଯାଉନଥିବାବେଳେ ରାଜୁତି ଆରମ୍ଭ କରିଛନ୍ତି ମାଫିଆ ଗ୍ୟାଙ୍ଗ୍ । ଫଳରେ ବେଧଡ଼କ ବ୍ଳାଷ୍ଟିଙ୍ଗ କରି ଚୋରାରେ ଟ୍ରିପ ପରେ ଟ୍ରିପ ମେଟାଲ ଚୋରା ଚାଲାଣ ହେଉଛି । ଆଉ ଏହାର ଦୁର୍ଦ୍ଦଶା ଭୋଗୁଛନ୍ତି ଗ୍ରାମବାସୀ । ବ୍ଲାଷ୍ଟିଙ୍ଗ କାରଣରୁ ସେମାନଙ୍କ ଘରମାନଙ୍କରେ ଫାଟ ସୃଷ୍ଟି ହୋଇଥିବାରୁ ଗ୍ରାମବାସୀମାନେ ପୋଲିସ ନିକଟରେ ଏ ବାବଦରେ ଗୁହାରୀ କରିଛନ୍ତି । ଏଥିପ୍ରତି ପ୍ରସାଶନିକ ସ୍ତରରେ ଦୃଷ୍ଟି ଦେଲେ ଚୋରା ଚାଲାଣ ରୋକାଯାଇପାରିବ ବୋଲି ସାଧାରଣରେ ଚର୍ଚ୍ଚା ଚାଲିଛି ।