କୁଲଡିହା ଅଭୟାରଣ୍ୟରେ ଗୁଳିମାଡ଼ : ଦୁଇ ସବୁଜ ବାହିନୀ ଆହତ, ଦୁଇ ଶିକାରୀ ଗିରଫ…

ବାଲେଶ୍ୱର, ୧୯/୩ : କୁଲଡିହା ଅଭୟାରଣ୍ୟରେ ଗୁଳିମାଡ଼ରେ ଦୁଇ ସବୁଜ ବାହିନୀ ଆହତ ଦୁଇ ଶିକାରୀ ଗିରଫ । ନୀଳଗିରି କୁଲଡିହା ଅଭୟାରଣ୍ୟରେ ଶିକାରୀଙ୍କ ଗୁଳି ମାଡରେ ଦୁଇ କର୍ମଚାରୀ ଗୁରୁତର ହୋଇ କଟକ ସ୍ଥାନାନ୍ତରିତ ହୋଇଛନ୍ତି । ଘଟଣାରେ ଦୁଇ ଶିକାରୀଙ୍କୁ ଗିରଫ୍ କରାଯାଇଛି । ମିଳିଥିବା ସୂଚନା ଅନୁସାରେ କୁଲଡିହା ଅଭୟାରଣ୍ୟର ପଂଚଲିଙ୍ଗେଶ୍ୱର ବିଟ ଅଧୀନ ଜଙ୍ଗଲରେ ଶିକାର କରିବାକୁ ଯାଉଥିବାବେଳେ ବନବିଭାଗ ହାବୁଡ଼ରେ ପଡିଯାଇଥିଲେ । ଦେଶୀବନ୍ଧୁକରୁ ଗୁଳି ଫୁଟି ଦୁଇଜଣଙ୍କ ଗୋଡ଼ରେ ବାଜିଥିବାବେଳେ ସେମାନଙ୍କୁ ନୀଳଗିରି ଉପଖଣ୍ଡ ଚିକିତ୍ସାଳୟରେ ଚିକିତ୍ସା କରିବା ପରେ କଟକ ସ୍ଥାନାନ୍ତରିତ କରାଯାଇଛି । ସାମାନ୍ୟ ଆହତ ହୋଇଥିବା ବ୍ୟକ୍ତି ଚିକିତ୍ସିତ ହୋଇଛନ୍ତି । ଏହି ଘଟଣାରେ ବନକର୍ମଚାରୀମାନେ ଦୁଇ ଶିକାରୀଙ୍କୁ ବନ୍ଧୁକ ସହ କାବୁ କରି କୁଲଡିହା ରେଞ୍ଜ କାର୍ଯ୍ୟାଳୟକୁ ନିଆଯାଇଛି ।