ସରକାରୀ ଚାକିରୀ ଛାଡି ଜନସେବାରେ ଶିକ୍ଷକ …

ଲକ୍ଷ୍ମୀପୁର : ସବୁ କଳ୍ପନାଜଳ୍ପନା ଅନ୍ତ ଘଟାଇ ଶେଷରେ ଶିକ୍ଷକ ଚାକିରୀ ଛାଡ଼ିଲେ ବଡ଼ ନେର୍କା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ଶଙ୍କର ସାଉଁନ୍ତା । ଜନସେବାକୁ ନିଜର ବ୍ରତ ଭାବେ ଗ୍ରହଣ କରିଥିବା ଶଙ୍କର ଶେଷରେ ଚାକିରୀ ଜୀବନରୁ ସ୍ବଇଚ୍ଛା ଅବସର ଗ୍ରହଣ କରିଛନ୍ତି । ଲକ୍ଷ୍ମୀପୁର ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ପହଞ୍ଚି, ବିଇଓ କୈଳାସ ଚନ୍ଦ୍ର ବେହେରାଙ୍କୁ ତାଙ୍କ ଇସ୍ତଫା ପତ୍ର ପ୍ରଦାନ କରିଛନ୍ତି । ଏହି ସମୟରେ ଏବିଇଓ ବିଭୁତି ଭୂଷଣ ଟାକ୍ରୀ ମଧ୍ୟ ଉପସ୍ଥିତ ଥିଲେ । ସେ ଦୀର୍ଘ ସମୟ ଧରି ଛୁଟିରେ ରହି ବିଜେଡି ଦଳର ସକ୍ରୀୟ କର୍ମକର୍ତ୍ତା ଭାବେ ନିଜର ଦାୟିତ୍ବ ତୁଲାଇ ଆସୁଥିଲେ । ଦଳର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇ ଚର୍ଚ୍ଚାରେ ଥିଲେ ଶଙ୍କର ସାଉଁନ୍ତା । ଏବେ ସେ ଚାକିରୀରୁ ଅବସର ନେବା ପରେ ଦଳ ଭରସାରେ ଆଗକୁ ନିର୍ବାଚନ ଲଢିବାର ସୁଯୋଗ ମିଳିଲେ ଲୋକଙ୍କ ସେବାରେ ନିୟୋଜିତ ହୋଇ କାର୍ଯ୍ୟ କରିବେ ବୋଲି କହିଛନ୍ତି ।