ଚିତ୍ରୋତ୍ପଳା ଦକ୍ଷିଣ ନଦୀବନ୍ଧ ରାସ୍ତା କାର୍ଯ୍ୟର ଶିଳାନ୍ୟାସ ଉତ୍ସବ…

ନିଶ୍ଚିନ୍ତକୋଇଲି, ୧୮/୧ (ଅଭୟ ଜେନା) : ମହାନଦୀ ଚିତ୍ରୋତ୍ପଳା ଦ୍ୱିପାଂଚଳର ଚିତ୍ରୋତ୍ପଳା ଦକ୍ଷିଣ ନଦୀ ବନ୍ଧ ରାସ୍ତାର ପ୍ରଶସ୍ତି କରଣ ଓ ସୁଦୃଢ଼ୀ କରଣ କାର୍ଯ୍ୟର ଶୁଭ ଶିଳାନ୍ୟାସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାନ୍ତପୁର ଚିତ୍ରୋତ୍ପଳା ସେତୁ ନିକଟରେ ଅନୁଷ୍ଠିତ ଉତ୍ସବରେ କଟକ ସଦର ବିଧାୟକ ଚନ୍ଦ୍ରସାରଥୀ ବେହେରା ରାସ୍ତାକାର୍ଯ୍ୟର ଶୁଭଦାନ କରିଥିଲେ । ଏହି ଉପଲକ୍ଷେ ଆୟୋଜିତ ଉତ୍ସବରେ ବିଧାୟକ ଶ୍ରୀ ବେହେରା କହିଥିଲେ ଯେ, ଏହି ରାସ୍ତା ନିର୍ମାଣ ହେବାଦ୍ୱାରା ବଳରାମପୁରଠାରୁ ମହମ୍ମଦପୁର ପର୍ଯ୍ୟନ୍ତ ୨୬ କିମି ନଦୀବନ୍ଧରାସ୍ତା ପ୍ରଶସ୍ତ ହେବାସହ ସୁଦୃଢ ହେବ । ଯଦ୍ୱାରା ବନ୍ୟା ଜନିତ ଭୟ ରହିବ ନାହିଁ । ଉତ୍ସବରେ ପୂର୍ତ ବିଭାଗ ନିର୍ବାହୀ ଯନ୍ତ୍ରୀ ଅନୁପ କୁମାର ବେହେରା, ଏହି ରାସ୍ତା ନିର୍ମାଣ ନିମନ୍ତେ ୪୯କୋଟି ଟଙ୍କା ବ୍ୟୟ ଅଟକଳ ହୋଇଥିବା ଓ ୩୦ ଫୁଟ ଓସାର ବିଶିଷ୍ଟ ହେବ ବୋଲି ପ୍ରକାଶ କରିଠନ୍ତି ।
ଜିଲ୍ଲା ପରିଷଦ ସଭ୍ୟ ବିଳାସ କୁମାର ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଜିଲ୍ଲା ପରିଷଦ ସଦସ୍ୟା ଶୁଭଶ୍ରୀ ମହାନ୍ତି ଉଦବୋଧନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପ୍ରକ୍ତନ ଜିଲ୍ଲା ପରିଷଦ ସଭ୍ୟ ଅଚ୍ୟୁତାନନ୍ଦ ଦାସ, ସରପଂଚ ବିଶ୍ୱ ଭୂଷଣ ନାୟକ, ମିଲନ ଭୂୟାଁ, ପ୍ରାକ୍ତନ ସରପଂଚ ସରୋଜ ବେହେରା, ନୃସିଂହ ଚରଣ ମୁଦୁଲି ପ୍ରମୁଖ ଉଦବୋଧନ ଦେଇଥିଲେ । ଶେଷେରେ ଯୁବ ନେତା ପ୍ରମୋଦ କୁମାର ନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।