ନୂଆବର୍ଷରେ ୪ ଜଣ ଦୃଷ୍ଟିବାଧିତ ଛାତ୍ରଛାତ୍ରୀଙ୍କୁ ରାଜ୍ୟ ସରକାରଙ୍କ ଉପହାର

କନ୍ଧମାଳ, ୪/୧ (କୁନା ଦିଗାଲ) : କନ୍ଧମାଳ ଜିଲ୍ଲା ଅଧିନସ୍ଥ ୪ ଜଣ ଦୃଷ୍ଟିବାଧିତ ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ରାଜ୍ୟ ସରକାରଙ୍କର ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଦ୍ୱାରା ଲାପଟପ୍ ଅନୁମଦିତ ହେଇଥିଲା । ଉକ୍ତ ଲାପଟପକୁ କନ୍ଧମାଳ ଜିଲ୍ଲାପାଳ ଆଶିଷ ଇଶ୍ୱର ପଟେଲଙ୍କ ଦ୍ୱାରା ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀ ବଳରାମ ସେଠିଙ୍କ ଉପସ୍ଥିତିରେ ଏହାକୁ ବିତରଣ କରାଯାଇଛି । ଏହି ଅବସରରେ ଟୁଇଁଙ୍କିଲ୍ କହଁର, କରନସିଂ ଦିଗାଲ, କାଁହୁଚରଣ ସାହୁ ଏବଂ ଜ୍ୟୋତିରଞ୍ଜନ ମଲ୍ଲିକଙ୍କୁ ଲାପଟପ ବଂଟନ କରାଯାଇଛି । ଏହି ଲାପଟପ୍ ବିତରଣ କାର୍ଯ୍ୟକୁ ବ୍ଲକ୍ ସାମାଜିକ ସୁରକ୍ଷା ଅଧିକାରୀ ପ୍ରମୋଦ କୁମାର ବଡ଼ସେଟ୍ ଏବଂ ସମସ୍ତ କର୍ମଚାରି ରଶ୍ମିରେଖା , ଶୁଭ, ଇତିରାଣୀ, ସୁଜିତ୍ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଛାତ୍ରଛାତ୍ରୀମାନେ ଉକ୍ତ ଲାପଟପ୍ ପାଇବା ପରେ ଓଡ଼ିଶାର ଆଦର୍ଶ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କନ୍ଧମାଳ ଜିଲ୍ଲାପାଳ ଆଶିଷ ଈଶ୍ୱର ପଟେଲ ଏବଂ କନ୍ଧମାଳ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଓ ସମସ୍ତ ଷ୍ଟାପଙ୍କୁ ଧନ୍ୟବାଦ ଦେବା ସହିତ କୃତଜ୍ଞତା ଜଣେଇଛନ୍ତି ।