ଖାଉଟି ଉପଭୋକ୍ତାଙ୍କୁ ଲୁଟୁଛନ୍ତି ସରକାରୀ ଅଧିକାରୀ, ଜିଲ୍ଲାପାଳଙ୍କ ପଦକ୍ଷେପକୁ ଅପେକ୍ଷା..

କନ୍ଧମାଳ, ୪/୧ (କୁନା ଦିଗାଲ) : କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ୍ ଅନ୍ତର୍ଗତ ଦୁତିପଡ଼ା ଲ୍ୟାମ୍ପସେସ୍ ଦୁତିମେଣ୍ଡି ବିକ୍ରୟ କେନ୍ଦ୍ରରେ ଆରମ୍ଭ ହୋଇଛି ଲାଂଚଖିଆ ମିଶନ । ଫୁଲବାଣୀର ପୂର୍ବତନ ଉପ ଜିଲ୍ଲାପାଳ ଏବଂ ଖଜୁରୀପଡ଼ା ଖାଦ୍ୟଯୋଗାଣ ନିରିକ୍ଷକ ଅଧିକାରିଣୀ ଭାର୍ଗବୀ ମ୍ୟାଡମ୍ ଓ (ACSO) ପ୍ରାଣୀଗ୍ରାହୀଙ୍କୁ ଦୁତିମେଣ୍ଡି ପିଡିଏସ୍ର ବିକ୍ରେତା ଲାଂଚ ନ ଦେବାରୁ ଏହି ତିନି କର୍ମଚାରିଙ୍କର ଲାଂଚଖିଆ ପ୍ରଣାଳୀ ଏବଂ ଖାଉଟି ଉପଭୋକ୍ତା ମାନଙ୍କ ନିମନ୍ତେ ଆସୁଥିବା ସରକାରଙ୍କ ପିଡିଏସ୍ ଟଙ୍କା ଲୁଟିବା ଯୋଜନା ମିଶନ ଆରମ୍ଭ ହୋଇଛି ବୋଲି ଅଭିଯୋଗ ହୋଇଛି । ପ୍ରକାସ ଥାଉକି ଦଶହରା ପୂର୍ବରୁ ଖଜୁରୀପଡ଼ା ଏମ୍ଆଇ ଅନ୍ୟ ବିକ୍ରେତାମାନଙ୍କଠାରୁ ବଟି ଆଦାୟ କରିଛନ୍ତି । MI ଙ୍କ ଘରକୁ ଯାଇ କିଛି ବିକ୍ରେତାମାନେ ଚାକିରୀ ଭୟରେ ଟଙ୍କା ଦେଇଛନ୍ତି ଯାହାର କି ଫୋନ୍ କଲ୍ ରେକର୍ଡ ସାମ୍ନାକୁ ଆସିଛି । କନ୍ଧମାଳ ଜିଲ୍ଲା ଏକ ପଛୁଆ ବର୍ଗ ଆଦିବାସୀ ଜିଲ୍ଲା ହେଇଥିବା ହେତୁ ଏଭଳି ହୀନ କାର୍ଯ୍ୟକୁ ନେଇ ବୁଦ୍ଧିଜୀବୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଏ ବାବଦରେ ଦୁତିପଡ଼ା ଲ୍ୟାମ୍ପସ୍ ଦୁତିମେଣ୍ଡି ବିକ୍ରୟ କେନ୍ଦ୍ରର ପରିଚାଳନା ନିର୍ଦେଶକ ପ୍ରଦୀପ କୁମାର ସେଠି, ସଭାପତି ଇନ୍ଦ୍ରଦ୍ୟୁମ୍ନ ମଲ୍ଲିକ, AICWC ର ରାଜ୍ୟ ଉପସଭାପତି କୁନା ଦିଗାଲ ଏବଂ ଦୁତିମେଣ୍ଡିର ବିକ୍ରେତା ଉପ ଜିଲ୍ଲାପାଳଙ୍କୁ ସାକ୍ଷାତ କରି ସମାଧାନର ବାଟ ନିମନ୍ତେ ଆଲୋଚନା କରିଥିଲେ । ଏଠି କହି ରଖି ଯେ, ଉକ୍ତ ଉପଜିଲ୍ଲାପାଳ ମହୋଦୟ ବାଲିଗୁଡ଼ାରେ ଥାଇ ଗରିବଙ୍କ ଟଙ୍କାକୁ ଲୁଟିଥିବା ଯୋଗୁଁ ତାଙ୍କୁ ଫୁଲବାଣୀ ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ସ୍ଥାନାନ୍ତର କରାଯାଇଥିଲା ।
ଗରିବ ଲୋକଙ୍କ ପିଡିଏସ୍ ଟଙ୍କା ଲୁଟ୍ ଘଟଣାର ସମାଧାନ କରିବା ପରିବର୍ତ୍ତେ ଉପଜିଲ୍ଲାପାଳ ସିଧା କହିଥିଲେ ଯେ, ଏ ବିଷୟରେ ମୁଁ କିଛି କରିପାରିବି ନାହିଁ ଆପଣମାନେ ଜିଲ୍ଲାପାଳ ଏବଂ ଜିଲ୍ଲା ଖାଦ୍ୟ ଯୋଗାଣ ଅଧିକାରୀ (CSO) ଙ୍କୁ ଯାଇ ଭେଟନ୍ତୁ । ଏପଟେ ଜିଲ୍ଲା ଯୋଗାଣ ଅଧିକାରୀ ଜ୍ଞାନେନ୍ଦ୍ରୀୟ ମିଶ୍ର ମହୋଦୟଙ୍କୁ ସାକ୍ଷାତ କରିବାରୁ ସେ କହିଥିଲେ ଯେ, ପିଡିଏସ୍ କଥା ମୁଁ ବୁଝି ନାହିଁ ଆପଣମାନେ ଉପ ଜିଲ୍ଲାପାଳଙ୍କୁ କୁହନ୍ତୁ । କହିବାକୁ ଗଲେ, ଜିଲ୍ଲା ଯୋଗାଣ ଅଧିକାରୀ (CSO) ଅତିରିକ୍ତ ଖାଦ୍ୟ ଯୋଗାଣ ଅଧିକାରୀ ଶ୍ରୀ ପାଣିଗ୍ରାହୀ ଏବଂ ଖଜୁରୀପଡ଼ାରେ କାର୍ଯ୍ୟରତ ଥିବା ଖାଦ୍ୟ ନିରୀକ୍ଷଣ ଅଧିକାରିଣୀ ଭାର୍ବଗୀ ମ୍ୟାଡମ୍ଙ୍କ ଭିତିରିଆ ଗୁମୁର ଏଠି ସ୍ପଷ୍ଟ ବାରି ହୋଇ ପଡୁଛି ।
ରାଜ୍ୟ ସରକାର ଗରିବ ଜନ ସାଧାରଣଙ୍କ ପାଇଁ ଅନେକ ଉନ୍ନତିମୂଳକ ଯୋଜନା ପ୍ରସ୍ତୁତ କରୁଥିବାବେଳେ ଏଭଳିି କର୍ମଚାରୀଙ୍କ ପାଇଁ ସରକାର ନିନ୍ଦିତ ହେଉଥିବା ଅଭିଯୋଗ ଉଠିଛି । ତେଣୁ ଏଭଳି ଦୁର୍ନୀତିଖୋର କର୍ମଚାରୀଙ୍କୁ ଜିଲ୍ଲାପାଳ ତୁରନ୍ତ ପଦକ୍ଷେପ ନେଇ କନ୍ଧମାଳ ଜିଲ୍ଲାରୁ ଅନ୍ୟତ୍ର ବଦଳି କଲେ ଖାଉଟି ଉପଭୋକ୍ତାମାନେ ନିଜର ହକ୍ ପାଇପାରିବେ ବୋଲି କହିଛନ୍ତି ଶ୍ରୀ ଦିଗାଲ ଏବଂ ବୁଦ୍ଧିଜୀବୀ ।