ମଧୁସୂଦନ ପବ୍ଲିକ ସ୍କୁଲର ବାର୍ଷିକ ଉତ୍ସବ…

ନୀଳଗିରି, ୨୫/୧୨ (ସଚିଦାନଁଦ ପାତ୍ର) : ବାଲେଶ୍ୱରର ଜିଲା ନୀଳଗିରି ବ୍ଳକ ଅଧିନସ୍ଥ ଧରମପୁର ପଞ୍ଚାୟତର ବାଉଁଶପାଳ ସ୍ଥିତ ମଧୁସୂଦନ ପବ୍ଲିକ୍ ସ୍କୁଲର ନବମ ବାର୍ଷିକୋତ୍ସବ ଶ୍ରୀମତୀ ଶକୁନ୍ତଳା ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଉତ୍ସବରେ ମୁଖ୍ୟ ଅତିଥି ଭାବେ ସଙ୍ଗୀତ ନିଦେ୍ର୍ଦଶକ ଟୁନୁ ପଟ୍ଟନାୟକ. ମୁଖ୍ୟବକ୍ତା ଭାବେ ଡଃ ଅକ୍ଷୟ କୁମାର ପାଣିଗ୍ରାହୀ ଯୋଗଦାନ କରି ପିଲାମାନଙ୍କ ପ୍ରତି ପିତାମାତାଙ୍କ କର୍ତ୍ତବ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ସମ୍ମାନିତ ଅତିଥି ଭାବେ ପିଠାହତା ପଞ୍ଚାୟତର ପୁର୍ବତନ ସରପଞ୍ଚ ଅନ୍ତର୍ଯ୍ୟାମୀ ବାଗୁଡ଼ାଇ ଯୋଗଦାନ କରି ବର୍ତ୍ତମାନ ସମୟରେ ଛାତ୍ରଛାତ୍ରୀମାନେ ପାଠ ପଢିବା ସହିତ ଖେଳକୁଦ ପ୍ରତି ଧ୍ୟାନ ଦେବା ଆବଶ୍ୟକ ବୋଲି କହିଥିଲେ । ଅନୁଷ୍ଠାନର ପ୍ରତିଷ୍ଠାତା ଇଂ ମାନସ ରଞ୍ଜନ ଜେନା ଯୋଗଦାନ ଅନୁଷ୍ଠାନର ଉନ୍ନତିକରଣ କରିବା ସହିତ ଛାତ୍ରଛାତ୍ରୀ ମାନେ ପାଠପଢ଼ା ସହିତ ସମୟାନୁବର୍ତ୍ତିତା ହେବା ପାଇଁ ଆହ୍ୱାନ ଦେଇଥିଲେ । ଏହି ଅବସରରେ ଅନୁଷ୍ଠାନର ସମ୍ପାଦକ ମଧୁସୂଦନ ଜେନା ଉପସ୍ଥିତ ଥିଲେ ।
ଅନୁଷ୍ଠାନର ଅଧ୍ୟକ୍ଷା ସୁଶ୍ରୀ ସୁଚରିତା ଜେନା ଅତିଥି ପରିଚୟ ପ୍ରଦାନ କରିବା ସହିତ ଅନୁଷ୍ଠାନର ବାର୍ଷିକ ବିବରଣୀ ପାଠ କରିଥିଲେ । କୃତୀ ଛାତ୍ରଛାତ୍ରୀଙ୍କୁ ଅତିଥିମାନେ ପୁରସ୍କାର ପ୍ରଦାନ କରିଥିଲେ । ଶେଷରେ ଶିକ୍ଷୟତ୍ରୀ ଶ୍ରୀମତୀ ରେଣୁକା ମହାନ୍ତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଅନୁଷ୍ଠାନର ଶିକ୍ଷକ ଜ୍ଞାନେନ୍ଦ୍ର ମଲ୍ଲିକ, ଶିକ୍ଷୟତ୍ରୀ ଅଭିଲିପ୍ସା ବେହେରା, ରଶ୍ମୀ ରଞ୍ଜିତା ବେହେର. ତନୁଶ୍ରୀ ମହୁରିଆ, ସେବିକା ରେବତୀ ସେଠୀ କାର୍ଯ୍ୟକ୍ରମରେ ସହଯୋଗ କରିଥିଲେ ।