କେନ୍ଦ୍ର ସରକାରଙ୍କ ଜନସଚେତନ ରଥରେ ବାଜୁଛି ବିଜେଡି ଗୀତ, ଅଭିଯୋଗ କରି ବିଡିଓଙ୍କୁ ଦାବିପତ୍ର ଦେଲା ବିଜେପି…

ସାଲେପୁର, ୧୩/୧୨ (ଅଭୟ ଜେନା) : କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ମାଣପୁର ଗ୍ରାମ ପଞ୍ଚାୟତରେ କେନ୍ଦ୍ର ସରକାରଙ୍କର ବିଭିନ୍ନ ଜନହିତକର ଯୋଜନା ବିଷୟରେ ପ୍ରଚାର କରିବା ପାଇଁ ରାଜ୍ୟର ପ୍ରତ୍ୟେକ ବ୍ଲକ ପକ୍ଷରୁ ଏହି ରଥ ପରିକ୍ରମା ପାଇଁ ନିଷ୍ପତି ନିଆଯାଇଥିଲା । ଲକ୍ଷ୍ୟ ଥିଲା ପ୍ରତ୍ୟେକ ପଞ୍ଚାୟତରେ ବ୍ଲକ ପ୍ରଶାସନ କିଭଳି ସୁଚାରୁରୂପେ ଏହି ରଥ ବୁଲିବ ଓ ବ୍ୟାପକ ଜନ ସଚେତନତା ସୃଷ୍ଟି କରାଯିବ ସେଥିପ୍ରତି ଦୃଷ୍ଟି ଦେବେ । ଏହାର ଦାୟିତ୍ୱ ନେଇଥିଲେ ବ୍ଲକ ପ୍ରଶାସନ । ତେବେ ଜାଣିଶୁଣି ଅତି ଚତୁରତାର ସହିତ ନିଶ୍ଚିନ୍ତକୋଇଲି ବ୍ଲକ ପ୍ରଶାସନ କେନ୍ଦ୍ରୀୟ ଯୋଜନା ସମ୍ପର୍କରେ ଲୋକଙ୍କୁ ଅବଗତ ବାହାନାରେ ବିଜେଡି ସରକାରଙ୍କ ପ୍ରଚାର ପାଇଁ ଚଞ୍ଚକତା କରିବା ଘଟଣା ପଦରେ ପଡିବାରୁ, ଏବେ ହରଡ଼ ଘଣାରେ ବ୍ଲକ ପ୍ରଶାସନ । ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅପମାନିତ କରିବାପାଇଁ, ବିଜେଡି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନାମରେ ପ୍ରସ୍ତୁତ ଏହି ଗୀତକୁ ବ୍ୟବହାର କରାଯିବାରୁ ତୀବ୍ର ଅସନ୍ତୋଷ ଦେଖା ଦେଇଛି । ଏହି ଗୀତକୁ ବ୍ୟବହାର କରି ବିଜେଡିର ପ୍ରଚାର ପ୍ରସାର କରୁଥିବା ବ୍ଲକ ପ୍ରଶାସନ ବିରୁଦ୍ଧରେ ଅଭିଯୋଗ ଆଣିଛି ବିଜେପି ।
ଏନେଇ ପ୍ରଦୀପ ବେହେରାଙ୍କ ନେତୃତ୍ୱରେ ଜିଲ୍ଲା ବିଜେପି ପକ୍ଷରୁ ଏହାର ତଦନ୍ତ ଦାବି କରି ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ନିଶ୍ଚିନ୍ତକୋଇଲି ବିଡ଼ିଓଙ୍କୁ ଏକ ଦାବିପତ୍ର ବିଡିଓ ଅନୁପସ୍ଥିତରେ ଏବିଡିଓଙ୍କୁ ଦିଆଯାଇଛି । ଯଦି ବିଡ଼ିଓ ଏ ଦିଗରେ ଧ୍ୟାନ ଦେଇ କାର୍ଯ୍ୟାନୁଷ୍ଠାନ ନ ନେବେ ତେବେ ଆଗାମୀ ଦିନରେ ଆନେ୍ଦାଳନ ହେବ ବୋଲି ବିଜେପି ପକ୍ଷରୁ କୁହାଯାଇଛି । ଅନ୍ୟପଟେ ଅଭିଯୋଗ ପାଇବା ପରେ ତଦନ୍ତ ହେବ ବୋଲି ବ୍ଲକ ପ୍ରଶାସନ ପକ୍ଷରୁ କୁହାଯାଇଛି ।