ବିବେକାନନ୍ଦ ଶିକ୍ଷକେନ୍ଦ୍ରରେ ବିଜ୍ଞାନ ମେଳା ଅନୁଷ୍ଠିତ…
ସାଲେପୁର, ୧୧/୧୨ (ଅଭୟ ଜେନା) : କଟକ ଜିଲ୍ଲା ସାଲେପୁର ବ୍ଲକର ଗୁଜରପୁରଠାରେ ଅବସ୍ଥିତ ବିବେକାନନ୍ଦ ଶିକ୍ଷା କେନ୍ଦ୍ରରେ ବାର୍ଷିକ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ବରିଷ୍ଠ ଶିକ୍ଷାବିତ୍ ସୁବାଷ ଚନ୍ଦ୍ର ରାଉତ ଉଦଘାଟନ କରିଥିଲେ । ଏଥିରେ ମୁଖ୍ୟବକ୍ତା ଭାବେ କବି ଉଦୟ କେଶରୀ ବର୍ମା ଯୋଗ ଦେଇ ଛାତ୍ରଛାତ୍ରୀଙ୍କୁ ବିଜ୍ଞାନ ମେଳାର ତାତ୍ପର୍ଯ୍ୟ ଉପରେ ଉଦବୋଧନ ଦେଇଥିଲେ । ପ୍ରଧାନ ଶିକ୍ଷକ ରବୀନ୍ଦ୍ର ଖଟୁଆଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଅନୁଷ୍ଠାନର ସଭାପତି ପ୍ରଭାତ ମଲ୍ଲିକ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ସଞ୍ଜୟ ମହାପାତ୍ର, ଅନ୍ନପୂର୍ଣ୍ଣା ସିଂହ, ନିଶାଦ ଅଞ୍ଜୁମ, ତରୁମ ବେଗମ, ଜୟନ୍ତୀ ନାୟକ, ଚପଳା କର, ଲକ୍ଷ୍ମୀପ୍ରିୟା ବେହେରା, ହେମନ୍ତ ପଣ୍ଡା, ବର୍ଷାରାଣୀ କାହାଳି ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ବିଚାରକ ଭାବେ ଭାଗ୍ୟଲକ୍ଷ୍ମୀ ପରିଡା, ଦୀପକ ଦାସ, ଦୀପ୍ତି ରଞ୍ଜନ ଦାସ ଯୋଗ ଦେଇଥିଲେ । ଶେଷରେ ଅଭୟ ଶଙ୍କର ପତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
