ଫୁଲବାଣୀ ଅରବିନ୍ଦ ନଗରରେ ନାମ ଯଜ୍ଞ ଅନୁଷ୍ଠିତ
କନ୍ଧମାଳ, ୨୯/୧୧ : କନ୍ଧମାଳ ଜିଲ୍ଲା ଫୁଲବାଣୀ ସହରର ଅରବିନ୍ଦ ନଗରରେ ନାମ ସଙ୍କୀର୍ତନ ଅନୁଷ୍ଠିତ ହୋଇଯାଇଛି । ଯୁବ ଜିଲ୍ଲା ସାମ୍ବାଦିକ ଅଶୋକ କୁମାର ମିଶ୍ରଙ୍କ ଅଧ୍ୟକ୍ଷତାରେ କନ୍ଧମାଳ ଜିଲ୍ଲାର ଫିରିଙ୍ଗିଆ ବ୍ଲକ ଅନ୍ତର୍ଗତ ରତଙ୍ଗ ଗ୍ରାମ ପଂଚାୟତର ପ୍ରସିଦ୍ଧ ଶୈବପୀଠ ଶ୍ରୀ ଶ୍ରୀ ଭୋଳେଶ୍ୱର ମହାଦେବ ଓ ପ୍ରସିଦ୍ଧ ମାଁ ପଶ୍ଚିମ କାଳୀ ଏବଂ ପ୍ରସିଦ୍ଧ ମାଁ ସୂର୍ଯ୍ୟ କାଳୀଙ୍କ ନାମରେ ଏକ ନାମ ଯଜ୍ଞ ଅନୁଷ୍ଠିତ ହୋଇଯାଇଛି । ଏଥିରେ ପ୍ରାୟ ୪୫୦ରୁ ଉର୍ଦ୍ଧ୍ୱ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା । ଏହି ନାମ ଯଜ୍ଞରେ ଫୁଲବାଣୀ ସହରର ଅରବିନ୍ଦ ନଗରରୁ ଦୁଇଟି ନାମ ସଙ୍କୀର୍ତନ ଯୋଗ ଦେଇଥିଲେ । ହୋମ ଯଜ୍ଞରେ କର୍ତା ଭାବେ ସାମ୍ବାଦିକ ଅଶୋକ କୁମାର ମିଶ୍ର ଯୋଗ ଦେଇଥିବାବେଳେ ଫୁଲବାଣୀର ସହରର ଦଧିବାମନ ମନ୍ଦିରର ପୂଜକ ଶ୍ରୀକାନ୍ତ ପଣ୍ଡା ପୂଜାର୍ଚ୍ଚନା କାର୍ଯ୍ୟ ସମ୍ଭାଳିଥିଲେ । ରତଙ୍ଗର ମାଁ କାଳୀ ମନ୍ଦିରର ପୂଜକ ବିମଳ କିଶୋର ମହାଙ୍କୁଡ ଓ ଶିବ ମନ୍ଦିରର ପୂଜକ ଭଗବାନ ମହାପାତ୍ର ଏହି ଅବସରରେ ଉପସ୍ଥିତ ରହି ପୂଜା କର୍ମଣ ଦାୟିତ୍ୱ ବହନ କରିଥିଲେ ।
