ଛତୁ ଚାଷ କରି ସ୍ୱାବଲମ୍ବୀ ହେବେ ମହିଳା

ଗଜପତି, ୨୩/୧୧ (ବିବେକାନନ୍ଦ ବେହେରା) : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିସ୍ଥିତ ଉଦ୍ୟାନ କୃଷି ଉପ ନିଦେ୍ର୍ଦଶକଙ୍କ କାର୍ଯ୍ୟାଳୟର ନୂତନ କନଫେରାନ୍ସ ହଲରେ ଛତୁ ଚାଷ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଉଦ୍ୟାନ କୃଷି ଉପ ନିଦେ୍ର୍ଦଶକ ସୁଶାନ୍ତ ରଞ୍ଜନ ଦାଶ, ଡି.ଆଇ.ସି ମ୍ୟାନେଜର ସୁନା ରାମ ସିଂ, ଜଳ ଛାୟା ପ୍ରକଳ୍ପ ନିଦେ୍ର୍ଦଶକ ସୁରେଶ କୁମାର ପଟ୍ଟନାୟକ, ଓଏଲ୍ଏମ୍ ର ଡି ପି ଏମ୍, ସହକାରୀ ଉଦ୍ୟାନ କୃଷି ଉପ ନିଦେ୍ର୍ଦଶକ ପ୍ରମୁଖ ମଂଚାସିନ ଥିଲେ । ଗୋଷାଣୀ ସହକାରୀ ଉଦ୍ୟାନ କୃଷି ଅଧିକାରୀ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଗୁମ୍ମା ବ୍ଲକର ସହକାରୀ ଉଦ୍ୟାନ କୃଷି ଅଧିକାରୀ ଦିଲ୍ଲୀପ କୁମାର ଡିଙ୍ଗଲ ଛତୁ ଚାଷ ପ୍ରଶିକ୍ଷଣ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ କାଶୀନଗର, ଗୁମ୍ମା, ରାୟଗଡ ଓ ଗୋଷାଣୀ ବ୍ଲକ ସ୍ୱୟଂ ସହାୟକ ଗୋଷ୍ଠୀର ମହିଳାମାନଙ୍କୁ ଏକ ଦିନିଆ ଛତୁ ଚାଷ ତାଲିମ ପ୍ରଦାନ କରାଯାଇଛି । ଛତୁ ଚାଷ ପ୍ରଶିକ୍ଷଣ ପରେ ମହିଳାମାନେ କିଭଳି ନିଜେ ସ୍ୱାବଲମ୍ବୀ ହେବା ସହ ନିଜର ଅର୍ଥନୈତିକ ଅଭିବୃଦ୍ଧି କରି ସମାଜର ମୁଖ୍ୟ ସ୍ରୋତରେ ପହଁଚିବେ, ଏହା ସରକାରଙ୍କ ଏକ ପ୍ରୟାସ ବୋଲି ଅତିଥିମାନେ ନିଜର ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ବିଭାଗର ସମସ୍ତ କର୍ମଚାରୀ ସହଯୋଗ କରିଥିଲେ ।