ବିଜେପି ପକ୍ଷରୁ ଜଗତସିଂହପୁର ବ୍ଲକ ସମ୍ମୁଖରେ ଜନ ଆକ୍ରୋଶ…

ଜଗତସିଂହପୁର, ୧୯/୧୧(ରୀତା ସାହୁ) : ଜଗତସିଂହପୁର ଜିଲ୍ଲା ସଦର ବ୍ଲକ ଭାରତୀୟ ଜନତା ପାର୍ଟି ପକ୍ଷରୁ ଜଗତସିଂହପୁର ବ୍ଲକ ସମ୍ମୁଖରେ ଜନ ଆକ୍ରୋଶ ଓ ବ୍ଳକ ଘେରାଉ ସହିତ ଗଣଧାରଣା ଦିଆଯାଇଥିଲା । ବିଜେପି ଜିଲ୍ଲା ସଭାପତି ସତ୍ୟବ୍ରତ ମହାପାତ୍ରଙ୍କ ନେତୃତ୍ୱରେ ବରିଷ୍ଠ ବିଜେପି ନେତା ପ୍ରତାପ ମିଶ୍ର, ବିଜେପି ମହିଳା ସଭାନେତ୍ରୀ କ୍ରିଷ୍ଣା ମହାନ୍ତିଙ୍କ ସମେତ ଜୋନସ୍ତରରୁ ବିଜେପି ନେତା ଓ କର୍ମୀମାନେ ସ୍ଥାନୀୟ ଶାରଦା ମଣ୍ଡପଠାରୁ ଏକ ଶୋଭାଯାତ୍ରାରେ ଆସି ବ୍ଲକ ସମ୍ମୁଖରେ ପହଁଚି ନାରାବାଜି କରିବା ସହିତ ଧାରଣାରେ ସାମିଲ ହୋଇଥିଲେ । ଜଗତସିଂହପୁର ବ୍ଲକରେ ଆବାସ ଯୋଜନାରେ ଦୁର୍ନୀତି, ରାସନ କାର୍ଡ ଦୁର୍ନୀତି, ରାସ୍ତାଘାଟର ସମସ୍ୟା, ପାନୀୟ ଜଳ ସମସ୍ୟା ସହିତ ବିଭିନ୍ନ ବିଭାଗ ବ୍ୟାପକ ଦୁର୍ନୀତି ହୋଇଛି । ସାଧାରଣ ଲୋକମାନଙ୍କୁ ନ୍ୟାୟ ଦେବାରେ ବିଜେଡି ସରକାର ବିଫଳ ହୋଇଛି । ତେଣୁ ଏହାକୁ ବିଜେପି ବରଦାସ୍ତ କରିବ ନାହିଁ ବୋଲି ନାରାବାଜି କରିଥିଲେ ଆନ୍ଦୋଳନକାରୀ । ଏବଂ ଆଗାମୀ ୨୦୨୪ ନିର୍ବାଚନରେ ଲୋକେ ଏହାର ଉଚିତ ଜବାବ ଦେବେ ବୋଲି କହିଛନ୍ତି ବିଜେପି ନେତା ।