ପାରଳାଖେମୁଣ୍ଡିର ୭୦ ତମ ସମବାୟ ସପ୍ତାହ ଓ ଲୋନ ମେଳା ଅନୁଷ୍ଠିତ
ଗଜପତି, ୧୮/୧୧ (ବିବେକାନନ୍ଦ ବେହେରା) : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିର ରାଧାରାଣୀ କଲ୍ୟାଣ ମଣ୍ଡପଠାରେ ୭୦ ତମ ସମବାୟ ସପ୍ତାହ ପାଳନ ଓ ଲୋନ ମେଳା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସଭାପତି ସିବାର ମହାପାତ୍ର ଯୋଗ ଦେଇ ପ୍ରଦୀପ ପ୍ରଜ୍ୱଳନ କରି ଶୁଭାରମ୍ଭ କରିଥିଲେ । ଏହି ଅବସରରେ ମଂଚାସୀନ ଅତିଥି ଭାବେ ଡାଇରେକ୍ଟର ବିଷ୍ଣୁ ପ୍ରିୟା ନାୟକ, କୁରି କୁମାର ଦାଶ, ପ୍ରଶାନ୍ତ ନାୟକ, କିରଣ କୁମାର, ଡିଲେଶ୍ୱର ରାଓ, ବି ଧନ ଯ୍ୟୟ, ଏଆରସିଏସ୍ ହରି ହର ସେଠି ପ୍ରମୁଖ ମଂଚାସୀନ ରହି ସମବାୟ ସପ୍ତାହ ପାଳନ ଓ ଋଣ ମେଳା ଉପରେ ନିଜର ବକ୍ତବ୍ୟ ରଖିଥିଲେ । ଏଏସ୍ଏସର ମ୍ୟାନେଜର ବିନୋଦ କୁମାର ନନ୍ଦ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ । ଏଥିରେ ୭୦ ଲକ୍ଷ ଟଙ୍କାର ଋଣ ପ୍ରଦାନ କରାଯାଇଥିଲା । ଏସଚ୍ଜି ମା ମାନଙ୍କୁ, ମୋ ଘର ଯୋଜନା, ବଳରାମ ଯୋଜନା, ମୋ ସ୍କୁଟି ଯୋଜନା ଭଳି ବିଭିନ୍ନ ଯୋଜନାରେ ଋଣ ପ୍ରଦାନ କରାଯାଇଛି ।
ଏହାସହ ନୂତନ ଲମ୍ପସ ୫୦ ଗୋଟି ହୋଇଛି ବୋଲି ସଭାପତି ପ୍ରକାଶ କରିଥିଲେ । କାର୍ଯ୍ୟକ୍ରମରେ ସଭାପତିଙ୍କୁ ଫୁଲତୋଡ଼ା ଓ ମାନପତ୍ର ଏବଂ ସାଲ ଦେଇ ସମ୍ବର୍ଦ୍ଧନା କରାଯାଇଥିଲା । ଏହି କାର୍ଯ୍ୟକ୍ରମରେ ବହୁ ଅଧିକାରୀ, ହିତାଧିକାରୀ ଏବଂ ଗଣମାଧ୍ୟମ ପ୍ରତିନିଧି ସାମିଲ ହୋଇଥିଲେ ।
